有營紅米飯

我係一個無飯不歡既飯人來! 如果無飯，就算滿枱佳餚我都食唔落......
早前返香港喺素菜餐廳食過一個紅米炒飯(網誌)，原來紅米咁好食架!
上網research 一輪，發現原來紅米仲好有益， 最近我 + Mr.T 開始食紅米飯~ ^^

谷類所含有既營養素，集中分佈喺胚芽 + 谷表皮，
不過我地平日食既白米係經加工反覆打磨既精米 - 胚芽 + 表皮已被打磨除去，
因此白米提供人體既係熱量，而唔係營養，
所以要吸取米既營養素就要食保留胚芽 + 表皮既糙米! 紅米就係糙米既一種~

紅米含有豐富既維他命B、鐵質 + 纖維紅米的纖維素，纖維素含量比白米高出3倍，
可助刺激腸道蠕動，幫助消化，改善便秘和預防腸癌;

紅米飯 + 白米飯熱量相若，不過由於紅米含高纖維素，有助減慢糖分的吸收速度，
可穩定糖尿病患者血糖水平，有助控制血糖，減少併發症;

紅米穀糠內的抗氧化營養素如維他命E和谷維素等，有減少因高膽而產生的心血管疾病，對膽固醇過高的人士有幫助~

不過因為紅米質感粗糙，煮食前要先浸米，而且應該溝入白米同煮，否則容易消化不良啊!

1. 先將紅米份量清洗2次，以清水浸2小時。(我自己用1:1 白米 + 紅米)


2. 2小時後清洗白米份量後，將紅米和浸紅米水混入白米內。


3. 煮紅米飯水份比煮白米飯水份卓量多少少就可以~ 所以如果浸紅米水太多就倒緊d; 太少就另加清水。

咁就可以煮出一煲香噴噴(紅米帶有一股nutty 米香~ ❤)，
好味又有營養既紅米飯嘞! ^^