La Cuisine De Veronica V女廚房: 8月尾煮乜鬼 (附食譜)

2014年9月4日星期四

8月尾煮乜鬼 (附食譜)

咁快又到9月! 原來喺香港返咗來已經足足2個月，
不過今年夏天天氣好好，成日掛住去街，
依2個月來煮飯唔多......唔可以再偷懶了!

9月係中秋既日子! 如往年一樣，我會親手整傳統蛋黃蓮蓉月餅寄返比V爸爸V媽媽，
今年整多隻豬仔餅寄比佢地~ (未回得切油...趕住打包入箱攞去寄!)

豬仔餅模 + 竹豬籠仔，係返香港時喺上海街買既!

其實豬仔餅既材料.......即係月餅既餅皮! ^^
新買返來既豬仔木模用前要先用生油浸過夜，倒去生油後用廚房紙抹乾淨，咁就可以用啦!
用後以檸檬汁 + 水洗擦木模 (唔好用熱水喎! 會爆架!!)
洗乾淨後放通風處吹乾 (千其唔好曬喎! 都會爆架!!!)
放入密實袋，加少少米吸濕氣，包好...等出年再用~

月餅食譜click here~

8月25日雜菜素烏冬

是日初一齋期，無特別買材料整齋菜，就地取材順便清清個雪櫃，
雪櫃有一個羅馬椰菜花 + 一條粟米; 冰格有一包仔急凍銀杏.......
浸幾隻雲耳...全部材料用少少素蠔油爆炒一下，加少少菇粉做湯底，話咁快就有得食!

英國中超貨品越來越多元化! 有好多台灣入口既急凍包點，一直都好想試勻哂，
不過礙於我以前唔鍾意用鑊來蒸野，加上我個冰格長期處於爆棚狀態，所以無買過......
而家個冰格雖然仍舊爆棚，不過有咗Miele，蒸野方便好多，可以每個星期試一款啊!

依款香菇菜包係全素，齋期都可以食得呢! 幾好味...可以試吓老翻~ ^^

8月26日: 羅馬椰菜花忌廉芝士大蝦意粉

超快餐! 而且一個餐就集合哂蛋白質、碳水化合物 + 纖維素，營養均衡呢! ^^

羅馬椰菜花忌廉芝士大蝦意粉食譜click here~

8月28日: 夜香花滾豬潤瘦肉; 芥蘭炒肉片; 薑蔥炒吊筒

紅米飯實在太好食! 以後都會keep 住食!! ^^

夜香花滾豬潤瘦肉食譜click here~

芥蘭炒肉片(參考食譜)click here~

薑蔥炒吊筒食譜click here~

8月29日: 鮑魚花菇雲耳炆雞; XO醬蒸翠玉瓜; 蒜蓉蒸魷魚仔乾

睇開既扑友都知道阿V鮑參翅肚之中，除魚翅外樣樣都好，尤其至愛鮑魚!
而V媽媽呢~ 佢除咗鍾意食鮑魚之外，仲好鍾意煮!!
我由香港返咗來依2個月，V媽媽經常whatsapp 我煮好、未煮、製中作既"鮑魚相"，
就好似.........