2014年9月4日星期四

8月尾煮乜鬼 (附食譜)

咁快又到9月! 原來喺香港返咗來已經足足2個月,
不過今年夏天天氣好好,成日掛住去街,
依2個月來煮飯唔多......唔可以再偷懶了!

La Cuisine De Veronica 豬籠餅
9月係中秋既日子! 如往年一樣,我會親手整傳統蛋黃蓮蓉月餅寄返比V爸爸V媽媽,
今年整多隻豬仔餅寄比佢地~ (未回得切油...趕住打包入箱攞去寄!)


豬仔餅模 + 竹豬籠仔,係返香港時喺上海街買既!


La Cuisine De Veronica 豬籠餅
其實豬仔餅既材料.......即係月餅既餅皮! ^^
新買返來既豬仔木模用前要先用生油浸過夜,倒去生油後用廚房紙抹乾淨,咁就可以用啦!
用後以檸檬汁 + 水洗擦木模 (唔好用熱水喎! 會爆架!!)
洗乾淨後放通風處吹乾 (千其唔好曬喎! 都會爆架!!!)
放入密實袋,加少少米吸濕氣,包好...等出年再用~

月餅食譜click here~



8月25日 雜菜素烏冬

是日初一齋期,無特別買材料整齋菜,就地取材順便清清個雪櫃,
雪櫃有一個羅馬椰菜花 + 一條粟米; 冰格有一包仔急凍銀杏.......
浸幾隻雲耳...全部材料用少少素蠔油爆炒一下,加少少菇粉做湯底,話咁快就有得食!


英國中超貨品越來越多元化! 有好多台灣入口既急凍包點,一直都好想試勻哂,
不過礙於我以前唔鍾意用鑊來蒸野,加上我個冰格長期處於爆棚狀態,所以無買過......
而家個冰格雖然仍舊爆棚,不過有咗Miele,蒸野方便好多,可以每個星期試一款啊!


依款香菇菜包係全素,齋期都可以食得呢! 幾好味...可以試吓老翻~ ^^



La Cuisine De Veronica 羅馬椰菜花大蝦意粉
8月26日: 羅馬椰菜花忌廉芝士大蝦意粉

超快餐! 而且一個餐就集合哂蛋白質、碳水化合物 + 纖維素,營養均衡呢! ^^

羅馬椰菜花忌廉芝士大蝦意粉食譜click here~



La Cuisine De Veronica 今晚食乜餸
8月28日: 夜香花滾豬潤瘦肉; 芥蘭炒肉片; 薑蔥炒吊筒

紅米飯實在太好食! 以後都會keep 住食!! ^^

夜香花滾豬潤瘦肉食譜click here~

芥蘭炒肉片(參考食譜)click here~

薑蔥炒吊筒食譜click here~



La Cuisine De Veronica 今晚食乜餸
8月29日: 鮑魚花菇雲耳炆雞; XO醬蒸翠玉瓜; 蒜蓉蒸魷魚仔乾

睇開既扑友都知道阿V鮑參翅肚之中,除魚翅外樣樣都好,尤其至愛鮑魚!
而V媽媽呢~ 佢除咗鍾意食鮑魚之外,仲好鍾意煮!!
我由香港返咗來依2個月,V媽媽經常whatsapp 我煮好、未煮、製中作既"鮑魚相",
就好似.........

咁樣.......


或者咁樣........


La Cuisine De Veronica 炆鮑魚
又或者咁樣........


La Cuisine De Veronica 炆鮑魚
又又或者咁樣........


La Cuisine De Veronica 炆鮑魚
同埋咁樣!


仲竟然誇張到冰格面有超過100隻鮑魚! @@ 
不過V媽媽話係留返比我食既,好sweet sweet~~~~

每次數到V媽媽whatsapp 傳來既鮑魚相,
得個睇字流哂口水無得食...你都咪話唔折磨呀!!!!!!!!! >_<


La Cuisine De Veronica 鮑魚炆雞
我忍唔住嘞!!!!!!!!!! 我都要整返個鮑魚炆雞止吓鮑魚癮!!

鮑魚花菇雲耳炆雞食譜click here~ 


La Cuisine De Veronica XO醬蒸翠玉瓜
XO醬蒸翠玉瓜食譜click here~


La Cuisine De Veronica 魷魚仔乾
依個蒜蓉蒸魷魚仔乾...一定要整多d! 
除咗因為好食好好送飯之外,仲因為我雪櫃裡面有勁多!!!
因為我每次返香港,V婆婆都整包大大包過我......
上次返香港比我果包都未食哂...今次返去又來一大包! 源源不絕~~~~






6 則留言:

Related Posts Plugin for WordPress, Blogger...