雜崩冷 (特長!)

每年整個8月份都係愛丁堡Fringe Festival，
除咗有大量藝術表演之外，仲有好多手工藝攤檔~

舊年我喺Fringe 既攤檔買咗一把精緻既杜松木心心牛油刀，
有朋友話好鍾意，於是我拍哂心口話應承送一把比佢，
點知再返去攤檔時，Fringe Festival 已經完咗，連攤檔都摺埋........
 

等咗一年，攤檔回歸，一口氣買哂攤檔4把牛油刀送比朋友們~


早前買咗咋好平但質素好好既美國牌子Core Kitchen 矽膠廚具 + 竹砧板 (網誌)...... 

忍唔住手再買埋依塊長方形竹砧板，打算專用來切麵包~

上次買既矽膠刮刀好好用! 買埋兩把細既~

依隻唔同牌子，不過細細隻好適合用來掃蛋液上包點!

早前Mr.T 送咗個大笨象茶壺比我都仲未開光...不過依個係花花啊!

我之前有一隻Bodum 玻璃mug，專用來飲花茶 (可以睇住開花嘛! ^^)
不過返香港前比我打爛咗! 買返依隻補上~

WMF 泡茶器

我發現我有個新嗜好 - 愛上咗搜集設計可愛既泡茶器! XDDD

台灣謝江林茶莊新葉沁心系列凍頂烏龍茶葉~ (包裝勁靚!!! ❤)
有可愛泡茶器都要配返靚茶葉要有靚茶飲!

台灣黑金磚原味黑糖塊

五顏六色cereal...我一向好抗拒五顏六色既食物，不過未試過既野我又會八卦心痕.......

 

彩色既粒粒原來全部都係糖! 甜到阿媽唔認得!! 試過就算，唔會有下次........


自從我用咗De Buyer 之後，一改從前行街既指定動作 - 睇鑊，
而家我對鑊似乎完全提唔起興趣，連帶對其他廚房用品都少咗興趣，
雖不至完全斬手指唔買廚具，只係相對之下而家行街都係睇多過敗!
改行敗第二d.........

竟然比我見到B.Duck...瘋鴨症即時大發作!

瘋完鴨又來瘋豬! 依隻IKEA 豬仔個樣幾可愛，而且質料好舒服好好攬~

一向唔係吉蒂粉屎! 不過好鍾意佢煮緊野食~ ^^

一睇就知係手作野! 唸吓有乜好刻先~

阿V腳細著過小童TOMS 翻尋味! 上次買咗對Hot Pink Glitters;
今次買咗依對Black Youth Glimmers~ ^^

易襯衫又好舒服~

之前網上見過依對鞋...覺得好有創意 + 好佩服設計既人!

雖然無唸過要買，但見到真身忍唔住腳痕要試一下!
實在太潮太怪雞 + 太重嘞! 著咗完全唔識行路........

我好少綠色既衫...不過依件薄荷色望落好舒服，仲好鍾意衫腳既喱士~ ❤

木梳有防靜電 + 按摩頭皮既作用~ 
之前Mr.T 送比我依把譚木匠好好用，不過依把放喺手袋帶出街......

買咗兩把木頭刷........

依把tek 意大利製，手工好d靚d，買比V爸爸既;

依把大陸製澳洲牌子平少少就自己用，都好好梳好舒服啊~

好平但好好用剃得好乾淨既電動shaver~

£1店好物: Blistex intensive hand cream; Garnier intensive care moisturising cream; Anovia high protection sun lotion

以前好少留意NIVEA 既產品，自從早排護膚品測試結果，
話佢護膚功效勝過一眾貴價名牌後，我就開始試佢地既產品~
依隻有色既防曬日霜顏色自然唔油膩，帶有一隻淡淡好乾淨既香味，價錢大眾化，讚!

我鍾意試韓國既skincare~ 依隻防眼紋eye gel patches 包裝老土.........

竟然係韓國產品! 不過..........

咁鬼大塊既!!!!!!!!!!!!!!!! 都唔似包裝model 既.......@@
包裝話貼30分鐘或貼住瞓覺過夜...我半夜起身去洗手間都頂唔順自己個樣，
順手搣鬼咗佢，廢事嚇親Mr.T!! (不過貼住時幾舒服既~ ^^)

依枝塑身gel 係英國一間內衣公司Ultimo 已停產既產品，網上評語very good，
可改善腿部、臀部 + 肚腩線條，收緊皮膚既效果~ 
我一向沖完涼都有搽cream 喺腳 + 手臂既習慣，好鍾意佢gel 既質地好快吸收，
味道清淡，仲夠哂大枝有排用!
用咗一次已經好鍾意，唔理佢係咪真係有改善線條效果，即時入多2枝!! ^^

Corn Silk 透明碎粉...第一次用已經好鍾意! 一直keep 住用咗好多年，
不過幾年前絕跡各店，我先轉用其他牌子...估唔到weekend 再次比我喺Boots 見到!
雖然價錢比之前貴咗少少，但仍然唔貴只係大眾化價錢~ (Boots £8.16)

我習慣洗面唔會只用手! 朝早洗面我會用依種質地比較柔和既洗面海綿......

夜晚我就改用依種可以深層潔膚磨去死皮污垢既buffing sponge~


最近見好興電動洗面機，我都心思思想買一部試吓! 市面各牌子洗面機價錢相差好遠，
評語又好參差，貴價既洗面機評語大都較好，不過我唔捨得仍然心大心細........

當港台blogger 一面倒地大讚各貴價牌子洗面機既同時，
好多同我一樣唔捨得千幾銀買部洗面機既歐美blogger 推介洗面刷都可以do the job!

於是我決定先試試洗面刷既效果!

SPA Sister 洗面刷....拆開包裝後覺得刷毛有點太軟，有點質疑會唔會洗得乾淨.......
不過用落又覺得唔錯，唔會覺得拮面仲幾舒服~

另一出有矽膠短毛刷...唔係好清楚功能(包裝無講!)，但用來按摩塊面幾舒服~

已用咗一星期，感覺毛孔真係比以前齋用海綿更乾淨! ^^
至於洗面機...仍在考慮中~~~~~

最後依個本週敗物...攪笑多過真正用途! Lady GaGa 牙刷~


  
  有無見過咁白痴既牙刷? XDDDDD