二人世界冰天雪地三餸一湯 - 2015年1月18日 (附食譜)

芥菜肉片湯; 氣炸鹽麴雞翼; 韭菜炒蛋; 清炒意大利羽衣甘藍

近二星期蘇格蘭天氣真係好鬼凍! 氣溫一直徘徊喺0至-5度.......

連日大雪落完又停.........

停咗又再落過!

地上既積雪，鋪完溶...溶完又鋪......

日日渣車前都要先剷雪!!

凍到連窗外都結咗長長既冰柱! @@

樣衰小雪人! 哈哈~~~~


一向weekend 多數都唔煮飯，
不過最近天氣太凍，唔多願出街，
Weekend 日頭出街食個早餐或brunch，
再行一陣街就想拿拿淋返暖笠笠既屋企........

 

是日星期日，中午喺Hillhead Bookclub 食咗個豐富brunch.......

晚餐留喺屋企自煮三餸一湯! ^^

芥菜肉片湯...無錯~ 無鹹蛋既! 因為以為屋企仲有鹹蛋，但原來已經食哂...屋企有既係皮蛋!! XDDD
芥菜鹹蛋肉片湯食譜click here~

V媽媽寄咗半打鹽麴來，雖然鹽麴已經街知巷聞，一直未有機會試既我終於試到!

唧出來好似白粥呢! XDDDD

估唔到只用鹽麴醃既雞翼，氣炸後原來咁好食呢! ❤
氣炸鹽麴雞翼食譜click here~

買咗包韭菜用來醃泡菜，不過韭菜太大包，分一半來炒蛋~
韭菜炒蛋食譜click here~

舊年喺愛丁堡既Farmers' Market 無意中發現依隻菜 - Cavolo Nero 意大利羽衣甘藍~
一食就愛上咗，連對蔬菜嗤之以鼻既Mr.T 都覺得唔錯!
可惜買過幾次後，一向買開既菜檔就原因不明無再開檔，
我亦因為摸過幾次"檔釘"而無再去果個Farmers' Market.........

剛過去既星期六我突然心血來潮唸起依隻好味菜，
於是去Farmers' Market 碰碰運氣...竟然真係比我喺另一檔菜檔搵到!
檔主係一位和藹可親既婆婆，婆婆好好人，
臨收檔水尾菜額外比咗好多我半賣半送呢~ ^^