二人世界打邊爐 (2015年1月28日)

是晚又落大雪! 最啱就係打邊爐~ ^^

以前打親邊爐都係麻辣湯底，我又會準備辣椒豉油，辣上加辣......
今次清清地整個莞茜皮蛋下火湯底(清雞湯、清水、莞茜、皮蛋)，
估唔到Mr.T 話好鍾意喎! ^^


兩丁友打親邊爐都眼大過胃! 樣樣都為食，所以様樣都買d，一餐無可能食得哂!!
今次買邊邊材料時已經好克制，份量叫做控制得最好...但仍然係一餐食唔哂!
不過食剩既又唔夠兩丁友食多一餐喎.......

所以第二日中午，我將剩餘物資來一個招積邊邊一人前!

就係用佢...Le Creuset fondue! (叮噹腔~)

將火酒(fondue 專用)倒喺burner 裡面既玻璃纖維棉.......

點火 > 攪掂! 不過個火咁細，夠唔夠熱滾唔滾架?

既然芝士火鍋都可以，清水當然無問題啦!
頭幾分數最好蓋一蓋等佢滾，一滾起之後就來勢洶洶~~~~
一人前咗個幾鐘頭，滾足個幾鐘頭!! (掛住食無影低滾得最勁既時刻 =P )

星期四中午一個人招積打邊爐，別有一番風味 + 好好玩呢!! ^^