V家愛心包裹 (2015年1月28日)

2星期前先剛收過V爸爸V媽媽寄來既大包裹(網誌)，尋日V媽媽又寄來一個重量級! ^^

又係滿滿一大箱! 今次依個包裹仲重過2星期前果個，佳因裡面有3對麂皮boot......

收咗上次個大包裹幾日後，V媽媽whatsapp 傳來一對黑色麂皮長boot......

佢話買比我~ 問我要長定要短，我已經有好多長boot，所以想要對短既......

但V媽媽始終都係長短都買哂! XDDDD

仲整多一對啡色唔同款!! ❤

3對boot 裡面都有毛毛，出面落大雪隻腳都好暖笠笠! ^^
3對都好鍾意~ ❤ 今季唔洗再買鞋咯!!!


除咗3對靚靚boot 之外，重量級包裹裡面仲有........

鮑魚2罐...2星期前先寄過2罐來都未食!

Lipton 即沖奶茶粉...2星期前先寄過4盒來都未飲哂!!

花膠一大包



蠔豉超大包...一打開個箱就聞到強勁蠔豉香味~~~~

鰩魚翅一大包

零食蟹仔2包...記得第一次食依d蟹仔係10歲時去北海道~ 
脆卜卜好好食，但食完好鬼口渴......

有日V媽媽去CitySuper 幫我買米麴......

真係買咗半打! @@


世上只有爸媽好，有爸媽的阿V像個包~~~~ XDDD