開箱文: Miele DG6010 獨立式蒸爐

知道Miele 依個蒸爐已經好耐......
但之前一直無見過實物，無乜興趣所以無特別留意，
當時我只係覺得: 用來蒸野...咁既價錢係咪太誇張呀?

朋友用緊台灣名產大同電鍋讚不絕口! 
據聞每個台灣煮婦都有一隻大同，
我知道香港有三腳插頭既大同電鍋賣，
所以本來打算喺香港時抬一隻大同過來~

殊不知有日我同Mr.T 入去油麻地永安避雨，
無聊逛逛家電部，見到DG6010 做緊demonstration.......
睇完之後雖未算驚為天人，不過足以引起我既興趣，連Mr.T 都覺得唔錯!

上網做咗一輪research 後，我決定以Miele 取代用咗多年既叮叮微波爐! 
反正我一直都係微波爐白痴....... =P

原本我打算將蒸爐放喺舊時叮叮既位置，但放好後竟然有d頂住度門~ >_<
好彩我廚房有好多個插蘇位，而家依個位置由醒目Mr.T 提議，perfect!!


決定以Miele 取代叮叮，
最大原因係唔想再用唔健康 + 對我來講好難用既微波爐!
以前微波爐我最多係用來翻熱隔夜餸，
但多年來我一直都掌握唔到用微波爐技巧，
每次翻熱食物總係叮得太乾，或者叮到外面熱裡面仲係凍; 
我仲試過將一個漢堡包叮到只得返原本1/3咁大......
所以每次都係由"叮叮廚神"Mr.T 代勞~
而家用Miele 來翻熱食物真係一流! 
熱力均勻唔會整乾食物，非常簡單易用!!

最近成日同Mr.T 玩即興BBQ，燒熟咗食剩既食物，放入去咇幾分鐘，
即時變返香噴噴熱辣辣，仍然好juicy 呢!

以前用鑊來蒸餸，加少水怕佢會蒸乾，但加多水又會有倒汗水問題，
蒸完出來超多汁! 有時d汁仲多到要倒走d，影響食味兼賣相........

而家唔洗理多水少水都無咗倒汗水問題嘞!

我好鍾意食蒸飯~ ❤ 
用Miele 來蒸飯唔洗怕倒汗水滴到d飯一pat pat，飯粒粒粒分明!


以前我用鑊來蒸野，如果要一次過蒸多過一樣野， 
至少要用2隻鑊兼開2個爐，要睇火兼怕蒸水乾......;
而家分幾層可以一次過塞哂入Miele，篤幾吓等佢咇，
唔洗睇火唔怕水乾...根本完全唔洗理，仲可以走去晾衫!
用落比我之前預期中更加好用!!
我只可以講一句 - 越用越鍾意! 有點相逢恨晚既感覺~~~~

隨機附有3個不锈鋼gastonorm pan~
窄果2個我比較少用，因為我比較鍾意用碟來蒸餸多d!
但窄果2個太窄根本放唔到一般餸碟，而且無 ‧ 分 ‧ 層 ‧ 架!!


我當然知道可以另買分層架......
不過一個Miele 原裝分層架要£21，
阿V我咁精打細算，覺得£21買個鋼絲架好貴......

度好尺寸(32.5cm x 26cm)上網只搵咗一陣.......
喺ebay 花咗£7就買到個全新good fit 兼實淨既焗爐分層架!
收到實物後見size + 品質都perfect，本來打算再買多一個......

點知又比我喺超市搵到依個baking tray...£1!

一樣fit 到漏油又穩陣!

夠哂用嘞! ^^

隨機附送既食譜書 + 保養品~