夜香花豬潤瘦肉湯; 南乳炆牛腩; 煎荷包蛋; 蒜蓉炒芥蘭
Weekend 喺愛丁堡中式超市買到夜香花，
咁上一餐想用來滾豬潤瘦肉啦...點知去勻兩間超市都無豬潤賣!
第二晚唔得閒煮飯......
新鮮夜香花就算放雪櫃都唔擺得太耐...咁不如用來炒蛋啦!
點知隔咗一日去超市有大量豬潤!!
夜香花豬潤瘦肉湯食譜click here~
間中去吓愛丁堡中式超市都唔錯!
除咗成日搵到d Glasgow 中超無得賣既野之外，某d野仲平過Glasgow......
上次第一次用真空煲用來煲湯; 今次試吓用來炆牛腩.......
唔知係依塊牛腩太瘦唔夠肥定點呢? 未入真空外煲前已明火炆咗30分鐘，
入外煲炆咗4、5粒鐘，開飯前再滾20分鐘...Mr.T 都食得出無用普通煲來炆咁淋......
南乳炆牛腩食譜click here~
炆牛腩好似幾唔錯,好淋咁喎....
回覆刪除荷包蛋都好正呀..我中意反蛋..仲要加豉油...好味呀
erm.....我今次第一次用真空煲炆，唔夠淋啊~
刪除荷包蛋上面既係蠔油來架! 杰架嘛~ L-)
根據我的經驗，真空煲要有約8成滿以上，效果會發揮得好，如果炆煮食品，我通常會用賽空煲焗至8成淋，然後落鑊再炆20-30分鐘，咁就好正嘞！
回覆刪除8成滿...一定有~ 我個真空煲係雙煲，初時我仲怕個煲唔夠大裝唔哂.....
刪除請教用真空煲焗到8成淋要幾多個鐘頭?
我今次焗咗4、5粒鐘再用爐火炆咗20分鐘都唔夠淋......
我好少炆牛腩，但試過炆豬手和元蹄，兩樣都是先出水，然後放入真空煲，水要蓋過食物，如有8成滿以上會更好，中大火煲約20-30分鐘，收火放入外煱前要用大火，我通常每隔30-45分鐘取出翻煲，約5-10分鐘便可，如屬難淋的食品，就需要加時，一般來說約煲4-6次，尚餘1-2成淋便合適時就可撈起，改用鑊炆嘞，這是我的慣用方法，希望你都啱用啦!
刪除真空煲好好用，我多用作煲湯及粥，方便又節能。
Thank you~ 其實隻真空煲係我99喺香港買返來幾年都無用，我啱啱先攞來用，第一次用來煲湯好夠味，今次炆牛腩係第二次用~
刪除我有汆水有8成滿，基本上過程同妳一樣，只係我無每隔30-45分鐘取出翻煲5-10分鐘
如果炆野要咁隔一陣攞返出來煲吓，仲要來來回回4至6次，計返總共要開火來炆既時間，其實同我平時用生鐵煲來炆一樣，但整個煮食過程時間就長咗幾倍....我覺得都幾麻煩
有可能係因為我今次塊牛腩太瘦要炆耐d......anyway 或者下次再試過~
過程中一定要翻煲幾次才會淋，翻煲的時間也可彈性調節，所以幾方便，不用常睇火，試多幾次就掌握到㗎嘞!
刪除入外煲前你有冇大火將個內煲加熱至大滾一段時間？因熱力唔夠入咗外煲會唔夠力 mi上
回覆刪除Blog 內文已經講咗有
刪除