二人世界三餸無湯 - 2014年8月11日 (附食譜)

北菇棉花雞; 蒜蓉蒸蝦; 蒜蓉炒油麥菜

原本依餐打算滾個豬潤湯，不過依度d超市就係咁衰格，
你唔需要果樣野既時候一定有好多貨;
但當你需要果樣野既時候，好多時行勻幾間超市一塊都搵唔到!

棉花雞係我去飲中茶時必叫既點心! "棉花"索哂蒸雞既精華，其實好啱用來送飯呢~

北菇棉花雞食譜click here~



依味其實我同Mr.T 都勁鍾意食! 不過我好少整，原因有二:
1. 麻煩; 2. 蝦唔可以太細隻，否則更麻煩兼無肉食!


不過..........

只要有佢 - 旬刀...大蝦用佢來開邊快、靚 + 正!


蒜蓉蝦我鍾意勁多蒜蓉 + 剁得好幼(上面果碟用咗4個細蒜頭!)，
不過我至憎就係剁蒜蓉!!
我又覺得整依味一定要用新鮮剁既蒜蓉先好食，所以我堅持唔用油浸蒜蓉!!!

有佢 - Bamix...幾秒鐘就攪掂大兜蒜蓉! 要幾幼有幾幼，唔洗剁餐死 + 黐立立~

當然仲有佢!
依3件法寶大大減低咗整蒜蓉蝦既麻煩程度! 以後我可以整蒜蓉蝦整密d咯!! 呵呵~~~

蒜蓉蒸蝦食譜click here~

我好鍾意食油麥菜~ 不過來咗英國咁多年，今次係第一次見到有油麥菜賣!
價錢唔貴呢~ ^^

最近喺中超搵到依隻台灣入口既素香腸......

同普通迷你香腸差唔多樣......

味道都唔錯，有點煙燻香腸既味道，但同真既香腸口感好大分別~
不過食齋既日子又多咗個選擇啦!