Mr.T 的第一次...大排檔 - 陳根記 (2014年6月9日)

事緣有一日我地搭一架平時唔會搭既巴士由沙田去九龍城，
巴士途經沙田博康村，我見到有未開檔既大排檔，
問Mr.T 佢有無試過...答案係無! 因為佢唔識.......

其實阿V都唔識! 阿V係九龍人來，對沙田完全唔熟悉，
記憶中未食過沙田既大排檔，上網做咗一輪research，
發現除咗博康村有大排檔之外，禾輋都有喎!

 
揀咗網上評價好好既陳根記~ (其實同時亦因為禾輋依邊就腳d!)

已10點幾仍然有唔少客人........


超乎想像極速上菜! 讚~

潮州滷水鵝鵝片
肉嫩香軟無渣，唔太肥 + 滷水好味，正!

辣酒煮花螺
基本上係完全唔辣 + 食唔出酒味...但係花螺煮得剛剛好唔會過熟，
個汁味道亦唔錯，底下仲有肉絲墊底可餸飯~

油鹽水蜆
依個...真係頂瓜瓜! 微白湯水充滿蜆既精華，鮮甜到不得了!!
蜆份量好多，仲有大量炸蒜子.......正!!!!!!

砵仔焗魚腸
魚腸足料，其實都係好食既~
但美中不足係焗得唔夠乾身，所以唔夠香，扣咗分!

3舊水有找就食到一餐豐富兼好好味既宵夜~ ❤ 

Mr.T 一路食一路讚不絕口，用香吻一個來答謝阿V好介紹!

大排檔除咗好味之外，真係好有香港地道風味特色~
希望香港可以繼續保留依個特色，唔會被淘汰啦!