5隻可愛小魔怪

返香港前我留意到McHamHam 身體開始慢慢瘦下來，
毛色慢慢變得暗啞，食量比以前減少，瞓覺時間長咗......
之前養過廿隻倉鼠既經驗話我知 - McHamHam 開始老嘞~

畢竟11個月前從Mr.T staff 手上收養McHamHam 時，佢已經係一隻成年熊女，
倉鼠壽命短係不爭既事實，我一定要有大吉利是既心理準備........


返香港前我最擔心就係McHamHam! 
雖然Mr.T 9日後會返來，但我留一個月，
若McHamHam 依段時間突然大吉利是...我會接受唔到啊!

 
我地唔係McHamHam 第一位主人，唔清楚McHamHam 究竟幾大(年紀)......
為咗find out McHamHam 身體狀況， 
返香港前我地特別帶McHamHam 去獸醫處做咗一次檢查!

檢查過程我真係唔想提......
因為我養咗McHamHam 咁耐，從來未見過佢咁驚咁緊張!
睇住McHamHam 被陌生獸醫先生捏肚仔檢查，
佢不停掙扎仲咬獸醫...旁邊既我睇到好心痛! 
不過同時又有少少開心 - 因為McHamHam 仲未老到唔識反抗!!
(Sorry 啊Mr. Vet~)

去vet 時McHamHam 勁憎依個外出籠，不停周圍抓抓抓.......
見獸醫短短10分鐘，可憐McHamHam 飽受驚嚇，回程時累極入睡~

Well~ 檢查結果係...McHamHam 雖然已年老，
不過佢仍然係一隻好健康既鼠鼠! 令我可以好安心咁返香港~ ^^

McHamHam 仍然好活潑好動，每晚當佢想出來玩時，
就會喺依個位置企定定等我放佢出來!

其實佢仍然跑得好快 + 好鬼曳! 咁我就放心哂嘞~
McHamHam~ 只要妳繼續健健康康，再曳d + 再搗蛋d都無所謂!
我promise 唔會再帶妳去身體檢查~


我同Mr.T 返香港期間，鼠鼠們由朋友代為照顧.......

朋友間中whatsapp 來鼠鼠相，攪到我心掛掛!

棉花糖同McHamHam 一樣 - 想出來玩時會企喺同一位置，仲會眼甘甘咁望實妳!

每晚同佢地玩完都唔夠皮，我準備去瞓覺佢地就扮哂依依不捨既衰樣......
我每晚都要同佢地講: 唔好咁樣望住我! 我都要瞓覺架!!!!

養咗初二已大半年，但佢仍然好怕人抱.......

袋袋就大呀...但膽就細過老鼠!!

佢仍然好怕人，雖然佢唔會咬人，但每次抱佢都會身僵硬......
不過而家無再瀨尿，算係有進步改善咗少少~

另一隻無膽鬼杏仁豆腐成日一副戇居居悶悶不樂既樣.........

實情曳到無朋友! 初來報到咗幾日，
有一朝被我 + Mr.T 發現佢將自己食物兜既食物塞哂入口，離家出走!!
事敗被我捉到時臉頰兩邊塞滿食物脹鼓鼓!!!

仲好意思擺出一副無辜可憐樣.........

超級過度活躍! 每晚好似鬼上身咁循環線跑上跑落......
跑到攰就求其一個位都可以大覺瞓，行為相當麻甩!
(咁既位置 + 姿勢都瞓得著...服咗佢......)

領養咗Mr. Buttons 已9個月，佢既身型...9個月前後大不同!

佢除咗越來越肥，佢既行為亦越來越怪.......

同Mr.T 玩"鬥望遊戲".......

足足5分鐘完全無郁過........

結果Mr.T 因為忍唔住笑而輸咗! XDDDDD

Mr.T 投降，鬥望遊戲結束...Mr. Buttons 維持姿勢無郁過，整蠱吓佢先!

開始回魂了!

最高紀錄...9粒鼠鼠乳酪粒! (肥到無腳...似條毛毛蟲!! XDDDD)


Mr. Buttons 怪行為仲有...佢最近成日做下面依件事.......

    

雖然打理依5隻小魔怪花好多時間 + 金錢，
不過佢地真係好可愛到令我好肉緊好窩心~ ❤ 值得既!