和V媽媽撐枱腳@八月花 (2014年6月17日)

雖然我喺香港土生土長，但喺英國生活咗咁多年，
我發現自己真係頂唔順香港既夏天!
以前讀緊大學時，聖誕 + 暑假都會返香港，
聖誕多數會平安渡過，不過暑假幾乎10次著咗9次半都會腸胃炎要去浸會醫院啪針!!
自從結咗婚之後，我都未試過盛夏之時返香港，
今次偶一為之......即時瀨野!!!
早一晚(6月16日)本來訂咗位食自助餐.......

不過突然腸胃炎 + 微燒要cancel，還好有V媽媽愛心鹹排骨粥做晚餐，都唔算太差!

腸胃經過一晚休息，我極速好返! 
食神回歸...V媽媽就同我去又一城八月花食返餐好既~

佢地既餐前冷盆小點烤麩非常入味好食!

瑤柱菜膽燉花菇 X 2...花菇肉厚，菜膽香甜，湯清鮮~ ❤

脆脆BB豬半隻...皮超脆，肉超嫩，八月花必點菜式!

燒鵝半隻...本來想食醉鴿，但我地入座時剛剛賣哂，唯有改食燒鵝~ 
燒鵝肥瘦適中 + 好香，都好好食!

窩巴醬爆銀鱈魚...鬆脆窩巴中和咗濃濃甜酸醬既銀鱈魚，非常好下飯!

原味白灼響螺盞...響螺切薄片，白灼得剛剛好鮮甜又彈牙~

南非鮮鮑扣鵝掌...依個係V媽媽既，佢想食鵝掌......

蠔皇原隻鮮鮑魚...依個係我既! 我只愛鮑魚唔要鵝掌~ ❤


兩個人點咁多野係咪好犀利呢?
其實都唔係好多野咋，只有燒鵝食剩要打包~ ^_^