2014年8月18日星期一

和V媽媽撐枱腳@八月花 (2014年6月17日)

八月花

雖然我喺香港土生土長,但喺英國生活咗咁多年,
我發現自己真係頂唔順香港既夏天!
以前讀緊大學時,聖誕 + 暑假都會返香港,
聖誕多數會平安渡過,不過暑假幾乎10次著咗9次半都會腸胃炎要去浸會醫院啪針!!
自從結咗婚之後,我都未試過盛夏之時返香港,
今次偶一為之......即時瀨野!!!
早一晚(6月16日)本來訂咗位食自助餐.......

不過突然腸胃炎 + 微燒要cancel,還好有V媽媽愛心鹹排骨粥做晚餐,都唔算太差!


八月花
腸胃經過一晚休息,我極速好返! 
食神回歸...V媽媽就同我去又一城八月花食返餐好既~


八月花
佢地既餐前冷盆小點烤麩非常入味好食!


八月花
瑤柱菜膽燉花菇 X 2...花菇肉厚,菜膽香甜,湯清鮮~


八月花
脆脆BB豬半隻...皮超脆,肉超嫩,八月花必點菜式!


八月花
燒鵝半隻...本來想食醉鴿,但我地入座時剛剛賣哂,唯有改食燒鵝~ 
燒鵝肥瘦適中 + 好香,都好好食!


窩巴醬爆銀鱈魚...鬆脆窩巴中和咗濃濃甜酸醬既銀鱈魚,非常好下飯!


原味白灼響螺盞...響螺切薄片,白灼得剛剛好鮮甜又彈牙~


南非鮮鮑扣鵝掌...依個係V媽媽既,佢想食鵝掌......


蠔皇原隻鮮鮑魚...依個係我既! 我只愛鮑魚唔要鵝掌~


兩個人點咁多野係咪好犀利呢?
其實都唔係好多野咋,只有燒鵝食剩要打包~ ^_^
 





8 則留言:

  1. 兩個女士, 一個勁字!!!!!!! 好有食神~

    回覆刪除
  2. 香港既夏天真係好難頂呢..熱得尼係焗既,咁既環璄,啲食物都容易滋生細菌呢..
    不過你都好勁呀..第二日就可以去食餐勁...我長年都係腸胃不適中呢...

    回覆刪除
    回覆
    1. 通常立秋後返香港都會平平安安,但夏天返去就必定賴野!!
      其實腸胃炎最好方法唔係睇醫生打針食藥,而係斷食! 我斷食一晚,只食咗一小碗粥,第二日就無乜事嘞! :-bd
      如果妳長年腸胃不適,最好去醫生處check 清楚喎~

      刪除
  3. 我覺得八月花係中餐廳黎講真係算幾好食咖(我好少鐘意中餐廳的)

    回覆刪除
    回覆
    1. 我返到香港比較鍾意食中菜! 八月花係其中一間我好鍾意既中餐廳~ :x

      刪除

Related Posts Plugin for WordPress, Blogger...