長腳蟹@將軍澳海王漁港 (2014年6月21日)

是晚有位auntie 生日，喺將軍澳海王漁港訂咗隻阿拉斯加長腳蟹食飯慶祝~

先來一窩足料煲到白雪雪既老火靚湯......

係花膠螺頭煲雞 + 雞腳~ 湯水香甜啖啖精華!

火腩、燒鵝拼海蜇...火腩皮脆肉嫩; 燒鵝肥瘦適中，皮香無大大舊肥油;
至於海蜇...我一向都麻麻地~

主角出場了! 花雕蛋白蒸9斤重阿拉斯加長腳蟹~

蟹蓋仲大過我個頭....... @@
(V媽媽佢地成日去食~ 佢話之前佢地食過一隻有11斤重!)

蟹腳啖啖肉勁鮮甜...食一隻腳已經飽咗一大半!

清蒸大石斑...魚皮厚厚彈牙充滿膠質，魚肉滑滑...唸返起都流口水~~~~

蒜蓉粉絲蒸蟶子皇...蟶子有返咁上下大隻一定鮮甜~

避風塘炸桶蠔......

炸粉其實好薄，隻蠔超巨型! @@

蒜子浸菜心...蒜子比菜心更好味!
(其實唔係咁少菜既，只係上菜時我去咗洗手間...... =P)

依煲就咁睇睇唔出係乜野來........

係紅燒花錦鱔煲!

飯後果.......

仲有棗泥糕、壽桃包 + 我地買既生日蛋糕~
熱辣辣既蓮蓉壽桃包好好味呢! ^^