價廉物美缸瓦佬

我相信鍾意煮野食既人，對"缸瓦佬"唔會陌生!
佢地既店一直都好近阿V娘家屋企，
我初次幫襯"缸瓦佬"係2009年，當時店位於太子道西;
對上一次返香港，店搬咗去花墟;
剛剛今次返去，喺洗衣街開咗總店~
日日必經，所以我有事沒事得閒就入去打個白鴿轉!


返香港前已經想買2個大約一人份既有蓋陶鍋，
特登忍手唔買住等返香港去"缸瓦佬"尋寶.........

第一眼見到依個紅色有蓋陶鍋，我已經知道 - 係依個嘞! perfect size~
上面依咋野1舊水有找抵到爛，咁鬼平既價錢喺英國齋一個陶鍋都買唔到呢!

其實好多野都好想要! 不過寄倉怕掟爛; 手提又攞唔到咁重.......
喺極度自我控制 + 異常忍耐之下，今次返香港只買咗咁少"缸瓦佬"~

(Photo Source: 缸瓦佬FB專頁) 
返咗來英國無得逛缸瓦佬，見親佢地FB專頁update 有新貨到都恨得牙癢癢!
尤其係唔知點解...我返咗來之後，佢地入既新貨越來越正!! 
e.g. 依套4色心心點心碟.......

幸好科技發達...阿V一個Whatsapp，V媽媽即日幫我買咗套!

V媽媽知道阿V係"❤形狂魔"，又買咗依套比我.......

仲有依隻純白心形大碟~


據聞4色心心碟好搶手，第二日已見到缸瓦佬FB 話碟仔極速賣哂.......

我想話比V媽媽知碟仔已賣哂...點知死蠢既我whatsapp 咗身在香港既99! XDDD

(Photo Source: 缸瓦佬FB專頁)
右面既南瓜盅，阿V唸咗兩日又好想要.........

再請V媽媽出馬! ^^ V媽媽話依個南瓜只剩3個，比佢買咗2個~

價廉的確可以物美! "缸瓦佬"就係一間價廉物美既小店~
有人嫌"缸瓦佬"貨品好多有瑕疵要揀.......
唏~ 莫講話價錢咁平，就算大公司名牌貨分分鐘都有瑕疵啦!
我反而覺得慢慢揀件無乜瑕疵既貨品好過癮，咁先叫做購物樂趣嘛~


價錢貴、名牌子...唔等於高質素; 
高質素、名牌子...都唔一定價錢貴果喎! 只要你識窿路 +吼準時機.......

美國牌子Core Kitchen 廚具~
我計過上面依咋野原價總共要£60，但我只花咗£10...仲有找!

雖然矽膠刮刀對我來講顏色太過鮮艷，但品質好到 + 價錢平到忍唔到手!

兩套價錢超抵 + 質素超好既竹砧板...只需原價1/10~ 嘻嘻~~~~ 我真係精明!


仲有.........

塑膠飲品樽

The Baker's Kitchen Cupcakes, Cakes & Macaroons 套裝食譜書

大鴨鴨膠盒

最近睇新聞報導指Nivea Q10系列護膚品防皺效果，
比大部份貴價名牌護膚品有效得多!
雖然我仲未摷皮未有紋，不過預防勝放治療嘛! 
而且價錢大眾化，值得買來試吓~

再來一枝松露油~ (今次依枝大枝d!)