和V爸爸撐枱腳@素食一家 (2014年6月13日)

是晚V媽媽同雀友有局，過兩日就係父親節，
V媽媽話唔想正日出街同人迫食飯(無錯~ 係V媽媽話唔想.....)
趁V媽媽去咗打麻雀，是晚我請V爸爸食飯，提早同佢慶祝父親節!

問V爸爸想食乜野，佢竟然話想食齋~ 就去近近地又好味既太子素食一家啦!
前一日先係齋期，是晚唔係 + 客人唔算多，上菜特快~~~~

先來一個素鮑魚刺身...依個必點! ❤

再來一個滷味拼盆~ 全部都好食! ❤


再點咗一個二人套餐........

有兩碗素翅湯羹: 一品雞絲鮑魚翅

意式南瓜海皇翅

梅菜扣肉時菜...淡咗少少，味濃返dd就好正嘞~

菠蘿咕嚕魚柳...一向對咕嚕一般既我，竟然超愛依個咕嚕素魚柳! 
依個真係好好味!! 非常好送飯~~~

麥芽紅米炒飯...從來唔知道原來紅米......係咁好食既! ❤ 


每碟飯菜都清得乾乾淨淨! V爸爸對依餐好滿意呢~
雖然返香港時會被美食包圍，但我一樣會keep 住齋期，
齋期我多數都係去素食一家~
佢地既素菜超多變化! 份量大、味道好 + 價錢大眾化，
一間價廉物美既既素食小店! ^^