和民宵夜 + 夜蒲誠品 (2014年6月6日)

返香港前知道香港開咗誠品，書蟲V興奮到不得了!
去親台北，幾乎每晚都去蒲24小時誠品，
香港誠品雖然唔係24小時，
但星期五、六 + 公眾假期前一日都會開到2am，
是晚我 + Mr.T 特登過海食宵夜兼去誠品朝聖~

先去和民食咗個豐富宵夜~ ❤

海鮮小籠鍋~ 附白飯一兜 + 生雞蛋一隻

有大蝦、青口 + 蜆.......

蒸籠下面有一鍋清湯，一路食一路滾，idea 係一路蒸煮，海鮮流出美味精華........

食哂海鮮後，將白飯 + 雞蛋加入鮮甜清湯煮成稀飯......
我覺得鍋稀飯比海鮮更吸引!

阿V和民必食 - 鯖魚燒 ❤

和風石鍋煮蜆...好味到汁都飲埋!

依個唔記得燒咩明太子之類...超細份.....仲好鬼鹹!!!

我既"太平燕"~
之前睇高木直子既書而知道有一道麵食叫做"太平燕"，
咁啱見餐牌上有，點一個試吓!

"太平燕"原本係一道源於福州既喜慶菜式，
當中既"燕"為"肉燕"，係一種由豬肉混合澱粉壓裝成薄皮，
再包入肉餡既小餃子，因形似燕子，故名"肉燕"，
依道福州菜後來傳入日本，肉燕被粉絲取代，演變成為一道日本風味既麵食~
和民既太平燕就係日式太平燕來嘞!

料好多，有椰菜、豬肉、蝦、鳴門卷魚板、虎皮蛋(炸過既雞蛋)，
仲有香濃豬骨湯底......好味!!

豬扒怪Mr.T 既東京滑蛋豬扒飯
望落雖然唔似...不過個蛋真係好滑，而且豬扒真係脆既~

Mr.T 既Maccha latte (無香味，得個甜字....)


估唔到食宵夜仲要排隊~ 等咗大半粒鐘先有位，
依餐宵夜食完和民已打烊!
肉體上食飽咗，慢慢行過誠品去歎精神食糧.......

 
夜媽媽仍然好多人! 搵咗一輪先搵到2個位坐低......
2隻菠蘿雞齋睇無買，因為精明既阿V知道第二度買會平d!! 嘻嘻~~~~


齋睇睇到點零鐘打道回府，先搭隧道巴返太子再轉通宵小巴返沙田......

等緊小巴時為食阿V忍唔住買咗兜牛膀 + 一串炸豬大腸，返去食第二輪宵夜.......

仲要九唔搭八開多盒莎莉蛋糕! XDDDD