UK Summer Sale 2014: 家居篇

(好多戰利品，相自然好多，要分兩篇來寫，否則load 相都有排load!)
我返得來真係合時...因為英國周圍正值summer sale!
7月4日早機返到Glasgow，下午我已經出動.......


每逢大減價，Lakeland 必定係我第一個去尋寶既地方!
佳因我覺得佢地d野正價時好貴.......

紅外線溫度計
原價£20+，想買好耐但唔捨得，
 之前第一次減價£17.99 我仍然覺得貴無買到，
而家減到£5.99......符合我精打細算既原則! 可以買嘞~

 對住食物撳吓個制就知溫度，乾手淨腳好方便!

心形麵包矽膠模
又係想買好耐，不過又係因為太貴唔無買到，而家半價~

字母矽膠模 (跳樓價!)


轉場Jenners........

Shabby Chic bone china tea set
依套茶杯我睇咗已經幾年，但佢幾年來從未減過價，仲要越來越貴......
終於比我守得雲開 - 只原價1/3就買到! 超開心~~~~ ❤

好鍾意飲Earl Grey，今次試吓Wedgwood 既出品! (雖然無減價.....)

Linea copper saucepan

銅煲已買夠，可收手! Mr.T 幫我喺廚房整咗個wall shelf 專用來放銅煲~


Cath Kidston 又係另一間逢減(價)我必巡既店!

Bird 系列: 2個碗; 1隻餐碟(因為得返1隻!); 1個環保袋 + 1個cake stand

環煲袋無得減~ 我之前買過另一個CK 環保袋，裝得多野唔易爛好襟用，
摺埋又細好輕身...讚~

好鍾意依個雀仔花~ ❤

3層高cake stand...靚! ❤

原本我去Home Bargains 只係想買依隻杯........

點知比我見到大咋平到無朋友既Wilton 烘焙工具!
(我覺得佢地d野太貴，我平時唔會買依個牌子架嘛!!)

Cake stamp set (£1.49 each)

無厘頭Christmas pops cookie pan (唔記得幾錢，但肯定唔超過£2!)

Fondant ribbon cutter/ embosser set (£2.XX each)

Neat Ideas 印字曲奇模套組

比我用開果套印字組大 + 多花款，用來做生日牌啱哂!

書店收穫

唔係用來飲茶，係用來做"浪"口盅!


最近天氣熱，最肥果2隻鼠鼠 - 棉花糖 + Mr. Buttons 好似特別辛苦......

特登買2塊瓷磚杯墊比佢地降溫! 依塊大既比棉花糖.......

依塊有個B字既，襯返Mr. Buttons!

佢好似好enjoy 啊!

棉花糖越來越大隻，18cm 跑輪太細，要上網訂先有21cm.......


同場加映 - 返香港前買果咋........

之前放喺廚房既鐘仔，比我唔小心跌咗落水......
買返依個可以睇埋日期、天氣、溫度、濕度~

新焗盆

英國既£1店，比起十幾年前真係進步咗好多! 價廉得來終於物美~

買比棉花糖既糧兜

用來放鼠鼠糧

依個用來放麵粉

蛋糕stencils

Cake pop holder

連cake pop sticks

記得十幾年前依隻煮蛋器初出時好貴，不過而家£1店已有得賣!
其實我已有一隻紅色，不過見有紫色貪靚買埋~


下篇敗家預告: UK Summer Sale 2014: 靚靚篇