和貓小玲撐枱腳@奧海城金滿庭京川滬菜館 (2014年6月19日)

今次返香港，同幾位blog 友第一次見面，靚太貓小玲就係其中一位嘞! ^^

是晚貓小玲約我喺一個我從未踏足既商場見面 - 奧海城~
唔知點解我個腦自動波將奧海城變做"奧港城"，
仲喺FB周圍問人: 由太子點去"奧港城"?
得到既回覆都係: 奧海城就知，奧港城唔知喎......

最後我懵盛盛走去搭小巴...落大雨狼狽情況下，
根本無攪清楚架小巴究竟去奧咩城就上咗車.......
直至司機停車...我見到大大隻字"奧海城"!
有dd"劣"走去問司機: 請問奧港城係咪依個站落車?
司機: 奧港城唔係依樹喎! 奧港城喺佐敦果頭喎!!
吓??????????????????????????????????????

因為怕阻住其他乘客，我唯有硬住頭皮先落車，
準備打比貓小玲話我將會遲到.......
依個時候我先醒起check 返whatsapp - 原來係奧海城! 我無去錯地方!!


是晚食濃油赤醬既上海菜，啱哂我.......

依小碟拍青瓜好好味~ ❤

一人一碗酸辣湯...好飲~ 不過對我來講唔夠辣! 
所以...都係我自己整既酸辣湯好味d!! 哈哈~~~~~

小籠包...皮薄餡靚，最欣賞係凍咗裡面既湯都唔會凝，皮薄得來唔易穿，正!

醉雞...稍嫌唔夠酒味，若上碟時有多少少紹興酒會更好~

火腿津白...湯鮮津白甜~

仲有我上海菜至愛 - 超下飯既炒鱔糊! ❤

傾足3粒鐘 - 傾計多過食野! XDDDDD

多謝妳介紹咗一間好味上海菜比我啊! 仲要多謝妳既心心~ ❤

好開心同貓小玲見面，渡過咗一個好味又愉快既晚上! 下次要再約啊~ ^^


P.S. 晚飯後返到屋企，我上網查咗一輪，發現香港根本無"奧港城"! 
小巴司機大佬你...............@@