2014年8月21日星期四

和貓小玲撐枱腳@奧海城金滿庭京川滬菜館 (2014年6月19日)

La Cuisine De Veronica 金滿庭

今次返香港,同幾位blog 友第一次見面,靚太貓小玲就係其中一位嘞! ^^

是晚貓小玲約我喺一個我從未踏足既商場見面 - 奧海城~
唔知點解我個腦自動波將奧海城變做"奧港城",
仲喺FB周圍問人: 由太子點去"奧港城"?
得到既回覆都係: 奧海城就知,奧港城唔知喎......

最後我懵盛盛走去搭小巴...落大雨狼狽情況下,
根本無攪清楚架小巴究竟去奧咩城就上咗車.......
直至司機停車...我見到大大隻字"奧海城"!
有dd"劣"走去問司機: 請問奧港城係咪依個站落車?
司機: 奧港城唔係依樹喎! 奧港城喺佐敦果頭喎!!
吓??????????????????????????????????????

因為怕阻住其他乘客,我唯有硬住頭皮先落車,
準備打比貓小玲話我將會遲到.......
依個時候我先醒起check 返whatsapp - 原來係奧海城! 我無去錯地方!!


是晚食濃油赤醬既上海菜,啱哂我.......

La Cuisine De Veronica 金滿庭
依小碟拍青瓜好好味~


La Cuisine De Veronica 金滿庭
一人一碗酸辣湯...好飲~ 不過對我來講唔夠辣! 
所以...都係我自己整既酸辣湯好味d!! 哈哈~~~~~


La Cuisine De Veronica 金滿庭
小籠包...皮薄餡靚,最欣賞係凍咗裡面既湯都唔會凝,皮薄得來唔易穿,正!


La Cuisine De Veronica 金滿庭
醉雞...稍嫌唔夠酒味,若上碟時有多少少紹興酒會更好~


La Cuisine De Veronica 金滿庭
火腿津白...湯鮮津白甜~


La Cuisine De Veronica 金滿庭
仲有我上海菜至愛 - 超下飯既炒鱔糊!

傾足3粒鐘 - 傾計多過食野! XDDDDD


多謝妳介紹咗一間好味上海菜比我啊! 仲要多謝妳既心心~


好開心同貓小玲見面,渡過咗一個好味又愉快既晚上! 下次要再約啊~ ^^


P.S. 晚飯後返到屋企,我上網查咗一輪,發現香港根本無"奧港城"! 

小巴司機大佬你...............@@







4 則留言:

  1. 可能佢以為你講中港城!哈哈一一一

    回覆刪除
  2. 我地第一次既約會就搞出個大笑話, 真係經典難忘呀! 哈哈~ 期待你下次返黎再一齊去搵好野食!!

    回覆刪除
    回覆
    1. 我真係大懵呢! :P 下次返來一定要去博康食大排檔~

      刪除

Related Posts Plugin for WordPress, Blogger...