2014年8月18日星期一

二人世界三餸一湯 - 2014年8月13日 (附食譜)

La Cuisine De Veronica 三餸一湯

夜香花豬潤瘦肉湯; 南乳炆牛腩; 煎荷包蛋; 蒜蓉炒芥蘭

Weekend 喺愛丁堡中式超市買到夜香花,
上一餐想用來滾豬潤瘦肉啦...點知去勻兩間超市都無豬潤賣!
第二晚唔得閒煮飯......

新鮮夜香花就算放雪櫃都唔擺得太耐...咁不如用來炒蛋啦!
點知隔咗一日去超市有大量豬潤!!


La Cuisine De Veronica 夜香花滾豬潤瘦肉
夜香花最終都係用來滾湯! Mr.T 雖然唔食豬潤,不過佢話依個湯好正~

夜香花豬潤瘦肉湯食譜click here~


間中去吓愛丁堡中式超市都唔錯!
除咗成日搵到d Glasgow 中超無得賣既野之外,某d野仲平過Glasgow......

La Cuisine De Veronica 南乳炆牛腩
£3幾就買到大大舊牛腩! 咁啱屋企柱侯醬用哂...今次用99方法南乳炆啦!

上次第一次用真空煲用來煲湯; 今次試吓用來炆牛腩.......
唔知係依塊牛腩太瘦唔夠肥定點呢? 未入真空外煲前已明火炆咗30分鐘,
入外煲炆咗4、5粒鐘,開飯前再滾20分鐘...Mr.T 都食得出無用普通煲來炆咁淋......

南乳炆牛腩食譜click here~


每人煎2隻蛋...炒多碟芥蘭......湊夠三餸一湯...開飯! =P






9 則留言:

  1. 炆牛腩好似幾唔錯,好淋咁喎....
    荷包蛋都好正呀..我中意反蛋..仲要加豉油...好味呀

    回覆刪除
    回覆
    1. erm.....我今次第一次用真空煲炆,唔夠淋啊~
      荷包蛋上面既係蠔油來架! 杰架嘛~ L-)

      刪除
  2. 根據我的經驗,真空煲要有約8成滿以上,效果會發揮得好,如果炆煮食品,我通常會用賽空煲焗至8成淋,然後落鑊再炆20-30分鐘,咁就好正嘞!

    回覆刪除
    回覆
    1. 8成滿...一定有~ 我個真空煲係雙煲,初時我仲怕個煲唔夠大裝唔哂.....
      請教用真空煲焗到8成淋要幾多個鐘頭?
      我今次焗咗4、5粒鐘再用爐火炆咗20分鐘都唔夠淋......

      刪除
    2. 我好少炆牛腩,但試過炆豬手和元蹄,兩樣都是先出水,然後放入真空煲,水要蓋過食物,如有8成滿以上會更好,中大火煲約20-30分鐘,收火放入外煱前要用大火,我通常每隔30-45分鐘取出翻煲,約5-10分鐘便可,如屬難淋的食品,就需要加時,一般來說約煲4-6次,尚餘1-2成淋便合適時就可撈起,改用鑊炆嘞,這是我的慣用方法,希望你都啱用啦!

      真空煲好好用,我多用作煲湯及粥,方便又節能。

      刪除
    3. Thank you~ 其實隻真空煲係我99喺香港買返來幾年都無用,我啱啱先攞來用,第一次用來煲湯好夠味,今次炆牛腩係第二次用~
      我有汆水有8成滿,基本上過程同妳一樣,只係我無每隔30-45分鐘取出翻煲5-10分鐘
      如果炆野要咁隔一陣攞返出來煲吓,仲要來來回回4至6次,計返總共要開火來炆既時間,其實同我平時用生鐵煲來炆一樣,但整個煮食過程時間就長咗幾倍....我覺得都幾麻煩
      有可能係因為我今次塊牛腩太瘦要炆耐d......anyway 或者下次再試過~

      刪除
    4. 過程中一定要翻煲幾次才會淋,翻煲的時間也可彈性調節,所以幾方便,不用常睇火,試多幾次就掌握到㗎嘞!

      刪除
  3. 入外煲前你有冇大火將個內煲加熱至大滾一段時間?因熱力唔夠入咗外煲會唔夠力 mi上

    回覆刪除

Related Posts Plugin for WordPress, Blogger...