港式鐵板黑椒雞扒

一路食住香噴噴咋咋聲既鐵板雞扒，有一刻以為自己返咗香港呢! ^^

喺62餐館攞咗2塊鐵板返來.......

細細隻好可愛，唔阻訂! ^^


1. 雞上肶2件起骨留皮備用。(雞扒不需要調味!)


2. 黑胡椒粒2至3湯匙搗碎備用。


3. 鍋中燒溶牛油，下紫洋蔥1/2個(切碎)和蒜蓉慢慢炒香。


4. 加入清雞湯約50ml、蠔油2湯匙和黑胡椒碎拌勻煮滾。


5. 下適量老抽調色，以生抽、糖和清水調味，再加入茄醬1湯匙，拌勻滾後轉慢火續煮1至2分鐘後試味。


6. 預熱AirFryer 180C 3分鐘，放入雞扒(皮先向下)先烤6分鐘，反轉雞皮向上再烤8分鐘。
(*雞扒可以用鑊煎~ 不過AirFryer 唔洗用油兼唔洗睇火，又可以做到脆皮效果!)


7. 鐵板可放爐火上直接加熱或放入焗爐加熱。


8. (5)的黑椒汁煮大滾，勾粟粉水芡至汁稠。

9. 雞扒、飯和烚熟蔬菜上鐵板，淋上(8)煮好的黑椒汁即可享用。