今年第一份聖誕禮物 (2014年11月17日)

雖然仲有超過一個月先到聖誕節，
不過英國各大城市Christmas Market 上星期已隆續開鑼，
周圍都有好多人開始Christmas shopping，
聖誕氣氛越來越濃厚! ^^

上星期又跟咗Mr.T 到南下出trip 6日，
一返到屋企就見到地上有張包裹通知，
13號有包裹送來但無人接收........

原來係朋友Joey 從香港寄滿滿一箱聖誕禮物! ❤

今年第一張聖誕咭~

有個鴨鴨布袋，裡面裝.......

鴨鴨行李牌......

桃紅膠鴨鴨......

仲有喬裝青蛙鴨鴨鎖匙扣~

依包3D鴨鴨蘋果軟糖超可愛! ❤

造型可愛，香濃蘋果香味但唔太甜，好味啊! ❤

Joey 見我話早前用AirFryer 炸果隻蝦片唔好食，貼心地寄我一包印尼蝦片~ ^^

仲有一包我未見過、未聽過...更加無食過既印尼鳳凰魚餅片!

仲有一盒印尼薑檸飲品~

好多謝Joey 依份咁窩心可愛既禮物啊!