韓國 - 炒魚板 Eomuk Bokkeum

Eomuk Bokkeum 其實係一道韓式前菜~ 不過好味既食物...細細碟又點夠喉呢?

我用既係依種韓國入口既急凍炸魚餅.........

裡面有2種形狀既炸魚餅，我只抽出左邊長方形既魚板......

1. 韓國魚板解凍備用。

2. 預備蔥花、紅綠辣椒切片、蒜蓉、紅蘿蔔片和洋蔥絲。


3. 燒熱油鑊，下魚板爆炒至金黃色，盛起備用。


4. 下紅蘿蔔片、洋蔥絲和蒜蓉炒一會至開始變軟。


5. 將蔬菜撥一邊騰出空間，再下少許油燒熱，下韓國辣醬2至3湯匙和粟膠(corn syrup)1湯匙炒香。(可用砂糖代替粟膠，但砂糖甜度比粟膠高，所以要根據自己口味減少砂糖份量!)


6. 魚板回鑊並加入辣椒片，灒少許味醂和萬字醬油炒勻。


7. 熄火後下少許麻油兜勻上碟，灑上少許經白鑊烘香的芝麻即成。