萬聖節 - 三色意粉沙律

其實...依個只係一個好簡單 + 普通既意粉沙律! 唔一定要萬聖節先整來食......

只係因為我用咗依包三色意粉先同萬聖節扯上關係!
(依包意粉似乎無理由平時煮來食......)

三隻顏色三個造型~ 紅(紅菜頭)、黑(墨魚汁) + 黃(普通意粉); 蜘蛛、蝙蝠、南瓜頭~


1. 意粉用加有少許鹽和橄欖油的滾水煮熟，過冷河備用。


2. 車厘茄和青瓜洗淨抹乾水份，車厘茄切半，青瓜切去瓜囊後再切粒，紫洋蔥切絲。


3. 將(1)和(2)放進大碗內，加入適量extra virgin 橄欖油、檸檬汁和磨碎的parmesan cheese，以海鹽和黑胡椒調味拌勻，放入雪櫃普通格雪凍30分鐘即成。