Kimchi Korean Restaurant, Cardiff (2014年11月12日)

是日午餐食完法國菜，晚餐突然想食韓國菜，
即時上網搵吓Cardiff 有無韓國餐廳，
結果搵到依間離市中心唔算太遠既Kimchi~

由Cardiff 市中心去Kimchi 大約10分鐘車程~
我發現Cardiff 晚上好多地方都無街燈! 唔建議晚上步行去餐廳.......

樓面不大，但坐得舒適........

星期三晚上好靜...只有我地一枱客人~
不過我見送外賣既人不停進進出出，weekday 出街食飯既人比較少，多數叫外賣吧!

一坐低就有2碟小菜...其實份量唔止咁少，食咗大半先醒起影相! =P
左邊既海藻好好味~ ❤

Korean Salad...有菠菜、豆芽、醃蘿蔔絲 + 醃青瓜絲~
菠菜OK...豆芽同上面小菜既一樣，味道淡咗少少......
至於蘿蔔絲+青瓜絲，醃得太似蕎頭果種味，感覺唔太"韓"個人覺得麻麻地!

Kimchi Pancake...比一般韓國餐廳既pancake 厚咗double!
但非常足料 + 味道不俗~

我既Spicy Tofu Broth...小小一兜但海鮮 + 豆腐都好非常足料，味道正宗好味!

Mr.T 既Spicy Beef Broth...同樣味道正宗又足料!


點解我要強調兩個湯"味道正宗"呢?
因為我地坐低咗無耐，就發現依間韓國餐廳其實係中國開既!
雖然唔可以話係百份百正宗韓國菜，不過食物水準唔錯，
亦食得出食物當中既"韓味"，其實最緊要都係好味啫~
加上價錢唔貴，都不失係一間好選擇! ^^


Kimchi Korean Restaurant
72 Cowbridge Road East, Riverside, CARDIFF, CF11 9DU
Tel: 029 2022 7122