我們的哈囉喂2014: 我殺咗Mr.T! (恐怖~ 慎入!)

今個哈囉喂Mr.T 工作太忙，無時間精神準備造型，所以無同朋友夜蒲扮鬼扮馬! 
不過我 + Mr.T 過咗一個非常productive 又好味既哈囉喂......

好鍾意Mr.T 畫比我既哈囉喂鼠鼠女巫圖~ ❤ 
(都唔恐怖...就係唔想嚇親大家，先post d可愛既! XDDDD)

我整咗鼠鼠們超鍾意既小南瓜點心~ (都唔恐怖 x 2!!)
倉鼠小南瓜製作click here~


新聞報告話因為天氣問題，今年南瓜收成唔好，南瓜供應短缺...似乎係真既~
我地哈囉喂一星期前仍然買到又大又靚既南瓜，
不過哈囉喂前一兩日超市已開始斷貨，
只剩返細隻 / 未熟 / 撞穿...甚至已經腐爛既籮底瓜!

今年刻咗4個南瓜~ (依個都係唔恐怖呀!!)
刻南瓜教學click here~


哈囉喂當晚我特別煮咗餐Halloween themed 癲拿.......

頭盆先來個完全唔恐怖既哈囉喂三色意粉沙律......
三色意粉沙律食譜click here~

主菜係依個恐怖得來但好好味既血腥斷手眼球薄餅......

整完個pizza 自己竟然覺得對眼太核突食唔落...結果兩隻"眼"都比哂Mr.T!
血腥斷手眼球薄餅食譜click here~

最後來個一d都唔恐怖，但既可愛又可口既graveyard tiramisu 來平衡返!
第一次整tiramisu，可以令到會飲咖啡但唔鍾意甜品裡面有咖啡味道既Mr.T 覺得好食，好有滿足感呢!! ^^
Graveyard Tiramisu 食譜click here~


(So far 都唔係好恐怖啫...點解要慎入? 嗱~ 如果你驚的話，而家就好走嘞!! XDDDD)

話說往年Mr.T 哈囉喂同朋友出去夜蒲，好興"殺"咗我!

例如09年咁樣......(網誌)
雖然我堅持我靚過個發泡膠頭，不過Mr.T 話佢唔會同第二個女人咁"親熱"去街!

又例如舊年咁既樣......(網誌)
結婚...依個唔認係我都唔得...... =_="

Mr.T "殺"過我2次，今年輪到我"殺"返佢轉頭!

工(道)具: 阿V用來浸鹹蛋既大闊口玻璃樽、清水 + 黃、橙、綠食用色素

單人牌斬刀 + 假血漿~

製作過程喺依度唔詳細講嘞! 因為需要識用PhotoShop 圖片技巧~
有興趣的話可以睇依條link 既教學: Head in a Jar Prank

大家放心~ 我無真係殺咗Mr.T! XDDDDD
(依張相尋晚影...可惜縮圖後睇唔清楚手機上日期.......)

不過我whatsapp 咗依張相嚇V媽媽...結果比佢鬧到飛起! XDDDDD