南下6日戰利品

今次跟Mr.T 出trip 南下，第一站係Wales 既Cardiff~ 
由於我地都係第一次去Wales，
Mr.T 事先網上research 一下Cardiff 有乜地方我會有興趣去，
好讓佢開會工作時，我可以自己打發時間~
比佢搵到依間位於Cardiff 市中心既廚具店 - Kitchens Cookshop......
第一時要去參觀一下!

店面積好大，仲有2層...佢地自稱全英最大既廚具店，
我喺店裡面磨爛蓆差不多2粒鐘! XDDD

冰山一角烘焙用具........

行得好開心~ 不過我好似已經樣樣都有，所以收穫不多!

就快聖誕~ Mr.T d staff 問Mr.T"可唔可以叫我整個蛋糕?" XDDDD
要買定d應節蛋糕裝飾~

塑膠麵糰刮...我本身用緊一塊矽膠麵糰刮，不過嫌有少少太軟，試吓依塊較硬身~

Wilton 2D唧花咀...聽聞依個用來唧忌廉swirl rose 最靚!

V型唧咀...可以將忌廉唧成葉既形狀~

清洗唧咀 + 幼管既刷子~

純白心型淺碟 x 2

純白波波豬胡椒粉 + 鹽樽~

第一次到Wales，買返d較"遊客"既紀念品......
依個雪櫃磁石貼，上面有一個名叫"Welsh Cake"既威爾斯餅食食譜，
似乎都幾簡單易整，遲吓我或者會試吓整~ ^^


一場來到Cardiff，當然要參觀一下Cardiff TK Maxx......

果然無令我失望! 搵到一塊大小厚薄重量都好啱心水既雲石砧板，
準備用來試吓整調溫朱古力~

我需要一個密筲簊! 依個黑色幾靚仔~

其實屋企已有幾枝松露橄欖油...不過依枝個樽仔好靚好可愛~ ❤


星期四(11月13日)Mr.T 全日都好忙，
於是我為自己安排好一連串要行好多路既"節目"來打發時間 - 逛超市!

是日天氣好差橫風橫雨...不過我早有準備帶定水鞋! ^^

冒風雨下，我靠住手機GPS 由酒店開始行咗45分鐘，搵到依間日韓超市!
店面 + 規模都比我預期中細，雖然有點失望，不過都有少少收穫......

Rice syrup...同corn syrup (粟膠)一樣，煮韓國菜經常會用到~
至於有咩分別...我唔知呀! 只係未試過就買枝試吓! ^^



用來沾魚生、沙律既柚子醋醬油~

第一次見黑色盒既韓國豆豉醬~

雖然係日韓超市，不過有台灣野賣! 依個未試過又買樽試吓~

行完依間日韓超市後，我又行咗25分鐘去咗一間中式超市，
規模好細，貨品種類又唔多，無收穫.......
依一刻我感受到原來Glasgow 既中式超市真係好正!! XDDDD


返酒店放低野，稍作休息再逛市中心! 
Cardiff 既店...基本上都係果咋high street 連鎖店!!

£1一隻麵碗~ 共4色，不過其他兩隻色唔靚!

顏色筆造型筷子~

依隻魚碟...其實我已經有一隻...仲要係一模一樣!
唔知點解我果日喺Cardiff 見到，"覺得"依隻細過屋企果隻，於是買咗......
返到屋企先知道原來係一樣大細!! =P

吉蒂急救冷凍啫喱袋

剛好Cardiff 市中心聖誕市集開幕.......

喺一檔現場即造即賣既玻璃工藝檔，見到依隻肚裡面有個5p 銀既玻璃豬仔，
造型可愛! 超鍾意~~~~~ ❤

舊年喺Glasgow Christmas Market 一檔賣法式糕餅既檔攤，買過右下依塊正方形，好好味既牛油吉士餅! (網誌) 唔記得價錢，只記得並唔平.......

有一晚去印巴人開既士多買飲品，竟然比我見到...即時認出依件餅!
£1.29 有6件!!!! @@ 感覺去年比人搵咗笨!!!!!!!!


喺Cardiff 渡過咗3個晚上後，下一站係路過既Birmingham........

我話咗今年冬天一定要用我部買咗N年都未開光既衣車成功做一件製成品!
喺Bulling Rag Market 買咗2塊又平又靚既布鼓勵自己快d開工~ ^^

中超買既鋼飯碗，自煮韓國菜時用~

未試過依隻正宗來自越南既越南湯精，4粒牛 + 2粒雞~

泰國既家樂牌魚湯精...唔知同普通家樂牌魚湯精有無分別呢?

Glasgow 中超見過孜然粉好鬼大包! 依隻細細包方便得多~


之前用現成調味湯包料整過偷懶版韓國辣豆腐海鮮湯，
我話過下次唔要再用偷懶湯包料，要自己調湯頭! 所以我今次買足材料.......

用來煮湯頭既魚乾粉~

海鮮麵醬

喺貨架上竟然見到"辣椒蠔油"! @@ 不過感覺太怪，我無買到......
(現在有點後悔無買到!!!!!! >_< )

Birmingham Christmas Market 已經開咗，
雖然英國個個Christmas Market 大同小異，但例牌都行個大運~

有一檔賣動物毛公仔，有倉鼠啊~~~~ ❤


返去蘇格蘭之前，順路又去咗Cheshire Oak 一趟，
臨近聖誕人山人海，周圍人迫人.........

喺Links of London 打咗個白鴿轉就走人!

以前Links of London 有一隻飛天豬既charm，不過已經停產，
我搵咗好耐都搵唔到...唯有買隻無翼既肥豬仔補返數~ 一樣可愛啊!

鍍金"靴咩屎"~ 個鎖仔會郁既呢! 好鬼cute~ ❤