韓國 - 辣豆腐海鮮湯 Haemul Sundubu Jjigae (偷懶方便版)

點解叫做"偷懶方便版"呢? 
因為本來我打算make from scratch 既........

不過喺食物櫃摷緊所需材料時比我搵到2包辣豆腐湯包，(好明顯我完全忘記咗依包野既存在...)咁不如用咗佢先啦!

雖然標題係海鮮湯，不過我只用咗有殼急凍蜆，適隨尊便啦!


1. 急凍海鮮/急凍蜆適量解凍備用。


2. 洋蔥半個切絲; 意大利青瓜(即Zucchini or Courgette)半條，切成半圓形薄片備用。


3. 燒熱油爆香蒜蓉1茶匙，下洋蔥絲炒一會至香，加入清水約300ml 煮滾。


 
每包辣豆腐湯料裡面都有湯粉(藍) + 辣油(紅)各3包，
指示每150ml 水就下湯粉 + 辣油各1包~


4. 下辣豆腐湯料 - 湯粉 + 辣油各2包拌勻。


5. 軟豆腐一盒瀝乾下鍋(不用切!)，下鍋後用木匙輕輕切成不規則小塊就可以。(不要搗得太碎太爛啊!!)


6. 下意大利青瓜片和(1)的海鮮/蜆，滾3至4分鐘至材料熟透。


7. 熄火後趁湯還在滾時可下一顆生雞蛋，灑上蔥花，吃時拌勻即成。



NOTE

- 豆腐要用軟豆腐 - 即係可以即開就咁當凍豆腐食得果種........

我用依種超市有售既紙包裝豆腐~


- 原則上用咗辣豆腐湯包就唔需要再另外調味，
不過對於我依種重口味既人來講 - 依隻湯料有點淡! 
所以我自行加調味料調味.......

依隻台灣牛頭種蛤蜊湯塊用來做海鮮味湯底一流!

韓式辣湯不可缺少之一: 韓國辣醬

韓式辣湯不可缺少之二: 韓國辣椒粉