2014年4月23日星期三

復活節手作

剛過去既復活節假期過得平淡但忙碌 - 因為掛住大掃除~
唔執由自可,一執不得了! 
感覺越執越多野...忙到連飯都唔得閒煮,
不過吊頸都要抖吓氣! 執到攰執到忟時,
整吓手作仔抖擻精神後......再執過!!

執野執到一頭煙...竟然仲有閒情整手工複雜既比卡超cake pops?
其實真係無咁既閒情架! 但鬼叫一早應承咗人咩......

Mr.T 有個staff 睇完我FB,託Mr.T 問我可唔可以整8枝比佢仔for 復活節?
佢個仔同我係同道中人 - 大家都鍾意Pikachu~ 無問題!!
(手軟跌爛咗一枝.......得返7枝...)


佢囝囝好鍾意 + 好開心啊!

比卡超棒棒蛋糕做法click here~



手作就好似上癮咁...整完一件又想再整多件!
整完魚缸後一直心思思籌備下一個project,
暫時未買到哂全部材料,先整住d簡單野止吓手痕.......

早前買咗把用來切蔬果唔會氧化變色既竹刀......
今次第二次刻草書,竹紋比起上次刻木槍既粗硬木紋平滑好多,
易刻得多,效果亦好得多! 好滿意~


鼠清潔鼠籠時,棉花糖間屋仔係木...忍唔住手痕刻佢英文名"Flossy"喺門口!




橫掂都係...唔爭在刻埋依個!


好鍾意Mr.T 幫畫依個公仔頭!


Mr.T 手痕作品 - 阿V斬野






4 則留言:

Related Posts Plugin for WordPress, Blogger...