鼠鼠們近況

好耐無post 過鼠鼠相，最近有blog友問起鼠鼠近況，
其實鼠鼠相一直有影...仲幾乎日日都影! (日日都要逐隻陪佢地玩嘛!)
影落一大咋，只係最近全屋大掃除，唔得閒揀相執相!
廢話少講! 去相~~~~~~

先來大家姐McHamHam......

Mr.T 成日話我最偏心McHamHam......

我...唔否認! 咁既樣...教我如何不偏心呢? ❤

老二Mr. Buttons 越來越有男子氣概......
有次唔小心拉到佢間屋仔d棉花，佢竟然伸個頭出來呱呱叫鬧我! 豈有此理!!

仲越來越肥滕滕!! 5個月前佢初來報到時瘦蜢蜢; 最近發現依隻小肥豬輕微overweight.......

肥到翻唔到身! 哈哈~~~~~ 要開始節食啊!!


早前幫鼠鼠們清潔鼠籠時，暫將Mr. Buttons 放喺一個圓型膠魚缸裡面，
突突然見到佢只用後腳企起身好似隻企鵝咁行，笑死咗~~~~ XDDD

老三棉花糖...絕對係我養過 / 見過最曳既鼠鼠!

女仔之家，食相雖斯文...但精力過盛好似完全唔洗瞓覺，
無論日夜都見佢爬高爬低跳來跳去...曳到無朋友!

過度消耗精力...食食吓野瞓著咗! XDDDD

加送一張最近好興既pat pat 相!

老么初二來咗都快3個月......

但唔知點解仍然係超細膽? 少少風吹草動就嚇到成隻彈起，每次抱佢身體自動變僵硬......

最近叫做略有改善唔再賴尿! 而且影相越來越上鏡啊~



復活節剛過，今次掛住大掃除無時間幫佢地唸造型，
不過都有同佢地慶祝復活節啊!

早前寵物店買咗隻鼠鼠復活蛋........


 
鼠鼠唔食得普通朱古力，但無唸過隻復活蛋竟然係綠色!

最為食既McHamHam 如常擒擒青狼吞虎嚥.......

Mr. Buttons 就食得好斯文.......

不過佢身型肥到同隻復活蛋差唔多! XDDDD

棉花糖雖然最曳，不過佢係眾鼠之中最唔為食果個! 
佢食夠就放低唔要~ (其他會塞哂入口留返遲d慢慢歎!)

初二雖然體型 + 膽量都細，但佢食量並唔細!

早前去買野既娃娃屋店Tolbooth Miniatures，有獨家產品蘇格蘭汽水Irn-Bru~
我買時向老闆表明係比鼠鼠影相，老闆叫我影完相share 去佢地FB!

睇吓佢地"飲"得幾滋味! 証明佢地係正宗蘇格蘭鼠!!

(枝汽水假果喎! 點飲呀? 難道佢地真係蠢得咁交關??

秘訣係 - baby food 蘋果泥~

搽少少喺樽口，佢地就會lam 得好滋味架嘞! 嘻嘻~~~~)

最後送上Mr.T 手痕作品 - McHamHam 大鬧維港 XDDDDD