2014年4月30日星期三

廚房煥然一新

早排想買個銅煲,唸足幾個星期買單柄定雙耳,
結果上個禮拜扑槌買咗隻20cm 雙耳~
但貪心的我仍然對隻單柄心思思.......

依個時候又咁啱比我發現另一處銅煲半價! 即時跑去及及......
一眼就見到依隻心水18cm 單柄~ 款式簡簡單單,size 又實用!


原本架kitchen trolly 用來擺放"廚房四寶": BOSCH 廚師機Bamix 攪拌棒Philips 氣炸鍋 + Kenwood 食物處理器......

決定為廚房四寶搬新居,咁3隻銅鍋可以重見天日靚靚擺出來,
唔洗再收喺櫃裡面!


廚房四寶搬咗來依度!

原本係打算買鑄鐵煲架來放cast iron 既,
不過可能蘇格蘭唔興? 搵咗好耐都只有網上有得賣,
但鑄鐵咁鬼重,我想睇到實物先決定買唔買,
否則一陣貨送到來唔啱心水盞攪!!

最後去咗IKEA 買木架...塞翁失馬喎! 依個木架又平又實用~
原本打算用來放cast iron 煲,不過我見架上3格高度都有返咁上下,
而我又唔興叠起d煲...用來放煲好空蕩又浪費空間!
於是把心一橫用來放"廚房四寶"~ good fit!!


安置廚房四寶後,每格仍然好高仍然有空間剩,
喺另一間店買咗3個依種鐵籃掛喺每一格,一於將空間用盡!


橫掂都係...廚房垃圾桶腳制有點問題,趁機又換一個新既!

雖然唔係裝修廚房,但廚房玩具大執位後,感覺良好 + 好有新鮮感呢~


IKEA 買又平又易用既廚房計時器


石春...下個攪作用既!


依咋小盆栽喺香港花墟眯埋眼求其都掃到十盆八盆,
喺蘇格蘭我去勻3間大型garden centre 先搵到! 頭2間仲要一盆都無.....


復活節theme 朱古力模


復活節雖然剛過,不過依個模有鴨仔型~


搵到一對造型真實既miniature 烏龜.........


比咗一隻入富貴榮華佢地當寵物! 哈哈~~~~






5 則留言:

  1. 你好!

    我是新的食譜分享網 《Cook1Cook 煮一煮》的編輯 Chris !
    平時很喜歡看你的食譜分享文! 對喜歡烹飪用戶的我來說真的很實用呀!

    目前我們正在尋找優質且具代表性的博客成為我們的星級博客!
    我們想邀請您加入我們星級團隊! 我們這邊將提供宣傳資源和現金獎勵給予星級博客!
    讓您的食譜在《Cook1Cook 煮一煮》 60萬人氣FB粉絲團 上免費曝光 !而且可以輕鬆賺取現金!
    希望能夠邀請您與我們合作。如您有興趣,請與我們聯絡有關合作詳情,謝謝!

    希望能快快收到你的回覆喔! 請您不要錯過增加食譜讀者人數的曝光機會!

    謝謝你! 祝您食譜讀者人數蒸蒸日上!

    ------------------
    Chris Chan
    Website: http://www.cook1cook.com
    FB: http://www.facebook.com/cookonecook
    E-mail: info@cook1cook.com

    回覆刪除
  2. 睇見你個架好整齊呀, 有好多位放野, 仲有個籃放瓶子, 你果 D 靚靚銅鍋有放出黎嗎?
    銅鍋真係好靚, 你係咪用黎煎野?

    回覆刪除
  3. 羨慕中... 你就好啦, 揾到個想要既架..... 我衣家仲煩緊想買個white wash有碌既矮木櫃, 可以比我放D baking 用具.

    oh, 試咗你上一篇既方法去省我個copper milk pot, 用同一個方法我洗Stainless steel casserole一樣得!!! 想問你有無計點先可以洗乾淨ceremic coating 既cast iron pot啊??? 又吾可以用steel wool省, 又吾可以落洗潔精 :(

    回覆刪除
    回覆
    1. 首先cast iron 裡面既coating 唔係ceramic,係enamel
      Enamel coating 可以用洗潔精 + 可以省

      Ceramic 可以用洗潔精但唔可以省;
      無enamcel coating 既cast iron 唔可以用洗潔精但可以省

      刪除

Related Posts Plugin for WordPress, Blogger...