二人世界煮少少 - 2014年3月下旬 + 4月上旬 (附食譜)

最近真係超級忙碌 - 全屋大掃除!
先清理廚房，然後到客廳...而家客廳已執到水尾，但之後仲要清d房!!!!!!!!
忙到連飯都無時間煮，不過食得多立雜外賣真係唔掂，
一來味精無益，二來我自己煮實在好食過外賣太多.......
始終都係自己手勢最啱口味!

3月20日: 忌廉芝士煙三文魚意粉

材料做法都簡單都無得再簡單! 而且15分鐘就攪掂可以熱辣辣開餐~

忌廉芝士煙三文魚意粉食譜click here~

之後執野執到天昏地暗太忙既日子，好常煎牛扒!

自從買咗2隻De Buyer，我真係對佢地愛不釋手~ ❤
有一晚我試吓用隻平底鑊來煎扒 - De Buyer 用來seal 肉類真係一流!
可以煎到扒表面焦脆，但裡面仲有tender juicy，
不過........


 
講到好食...煎扒真係要用返grill pan 來煎先至夠香! 無得傾!!
而且仲可以煎到靚靚既格格牛扒呢~

法國Chasseur cast iron 26cm grillpan

4月4日: 客家冬菇雲耳炆豬肉; 蒜頭豆豉炒豬乸菜

最難攪既客廳已經七七八八，可以煮返d正常飯菜.......

V媽媽近兩次寄包裹來，有大量靚雲耳~
我本身好鍾意食雲耳! 可以整多d唔同款式既雲耳菜式嘞!!

客家冬菇雲耳炆豬肉食譜click here~

近2、3個星期六去愛丁堡既Farmers' Market，都無再見到意大利羽衣甘藍，
反而有大量swiss chard - 即係豬乸菜!
用蒜頭豆豉來炒真係好好味~ ❤

蒜頭豆豉炒豬乸菜食譜click here~

4月7日: 南乳雲耳炆雞翼; 韓國辣豆腐蜆湯; 蒜頭豆豉炒豬乸菜

其實我想encore 個炆豬肉，不過是日買唔到連皮既豬腩肉，
改為試吓炆雞翼，一樣好好味好送飯呢!
(食譜參考客家冬菇雲耳炆豬肉~)

最近成日食韓國野食到上哂癮，成日心思思...索性自己煮埋一份!

韓國辣豆腐蜆湯食譜click here~

依餐仍然係食豬乸菜...老老實實...真係食埋依餐暫時唔再食豬乸菜嘞!
雖然好食...但開始悶!!

4月8日: 南乳雲耳炆雞翼; 野蒜葉炒蛋

好鍾意煮雞翼 - 一盒雞翼兩丁友一餐無可能食得哂，
如果一次過煮哂成盒，即係第二晚只要reheat 隔夜雞翼唔洗煮! 
哇哈哈~~~~~~

食過翻尋味既野蒜葉(網誌)，不過仍然只係間中先見到有得賣~

4月9日: 乾炒牛肉烏冬; 蠔油灼西蘭花

依餐有2個主要目的:
(1) 食V媽媽寄比我既余均益;
(2) 試吓用De Buyer 炒鑊來炒粉麵 (不過屋企無哂河粉...所以炒烏冬!)

久違既美味，同炒粉麵真係配合得天衣無縫! ❤

睇都睇得出既鑊氣! De Buyer 真係讚~

乾炒牛肉烏冬(參考乾炒牛河食譜)click here~

尋晚第一次用隻鑊來炒粉; 
今日晏晝就第一次試吓用來炒飯 - 翠肉瓜芝士煙三文魚炒飯........
3個字 - 無得頂! 炒餸炒粉炒飯都咁正，
De Buyer 實在令我有點相逢恨晚既感覺!! 哈哈~~~~

芝士煙三文魚炒飯食譜click here~