一個史上最唔驚喜既驚喜 - De Buyer French Collection B Element

我已有2隻一深一淺既De Buyer mineral B，煎乜炒乜都夠哂用有凸......
不過Mr.T 有個疑問: Hon~ 點解妳唔買巴黎鐵塔果隻既? 果隻靚喎!

原因有3個:
1. 可能英國人買廚具注重實用多過花巧，喺英國好難搵到French Collection，網上廚具店幾乎都唔入依個款;
2. French Collection 喺英國賣得貴，雖然都係Mr.T 比錢，不過賢妻唔捨得;
3. 靚還靚，但講到pro + practical，絕對係普通款式既De Buyer pro + practical 得多!

所以我從來都無打算買French Collection，
因為有2隻mineral B 我已經好滿足~ ❤
不過上星期有一晚有人靜靜雞上網訂咗隻French Collection，
打算比賢妻一個驚喜，
但佢訂完後唔夠半粒鐘叫我走去睇佢朋友FB d stupid 相...用佢部電腦!

唔知大家有無留意到Internet 有一個非常懶係智能既自動功能.......
E.g. 你用search engine search 一件產品後，
再去瀏覽一d有大量廣告既網頁，
你就會發現先前search 過既野出現喺廣告欄上!

我發現Mr.T 電腦上出現French Collection 既廣告，
明明我地一人一部電腦，我又肯定無掂過佢部， 
所以醒目既我直接問Mr.T: 點解你search 依隻鑊? 你買咗比我呀??
Mr.T: erm......maybe.......
(喺我地既字典裡面，maybe = yes 哈哈~~~~)
就係咁，依個唔夠半粒鐘既驚喜，被我篤爆了!

剛過去既星期一(4月7日)貨送來了...送去Mr.T office.......
原本supposed to be 係個驚喜來嘛!
Mr.T 第一時間whatsapp...個盒比我.......吹脹!!!!!

等到Mr.T 放工先有禮物拆.......

靚靚靚靚靚靚靚靚靚靚靚靚靚靚靚靚靚靚靚!!!! ❤

順帶一提 - 巴黎鐵塔鑊柄系列叫做"French Collection"~
不過French Collection 鑊身有不同material，
E.g. 有不鏽鋼亦有有塗層既鋁質易潔鑊~
包裝上註明"B Element" 先係無塗層鐵鑊來啊!
(網購可能會寫成Mineral B，同B Element 係一樣既~)


另外有朋友提及 - 好多想買De Buyer 鐵鑊既人，
唔清楚隻鑊可唔可以用於電磁爐?
其實De Buyer 官網已列哂所有款式可用爐頭種類既資料~

仲有就係Mineral B Element 系列都附有一塊黑色圓形小磁貼，
以資識別可以用於電磁爐上~


雖然Mr.T 唔夠醒目，被好醒目既我晨咁早篤爆咗個驚喜，
不過Mr.T 既心意我完全收到哂，廚房無啦啦又多咗隻靚鑊，
好開心既呢! Thank you my darling Hon~ ❤