買野食...食...食...

天氣凍咗，胃口似乎特別好! 幾乎每晚食完晚飯後都為食食宵夜......
咁當然要入定大咋宵夜食物啦~~~~~ ^^

上星期五等Mr.T 放工後，一齊去買咗全隻西班牙火腿! ❤
因為齋得隻全腿無包埋火腿架，所以未有即時開封~
Weekend 不停上網搵合適既火腿架，快d訂快d收到...咁就可以快d切火腿!

殊不知星期日下午，網上搜尋火腿架正進行得如火如荼，進入最後3強要決定訂邊個架既時候......
無意中比我發現另一間店都有全隻西班牙火腿賣! 而且包埋火腿架、火腿刀 + 磨刀器......
價錢仲要平過我地買咗果隻...即時呻笨大揼心口!! >_<

眼見時間尚早，距離兩間店關門時間仲有2粒鐘...我地買咗果隻未拆盒...張單仲未揼......
於是膽粗粗攞返之前果隻去試吓退錢...竟然得咗! ^^

退貨依d粗重角色，當然係由Mr.T 來擔任啦! Mr.T 自己一個入去店退貨~
佢好無助咁同店員講...上星期五貪得意買隻火腿返屋企氹老婆，
(其實係我同佢一齊去買! LOL) 點知返到屋企比老婆鬧到狗血淋頭!
老婆話: 屋企又細又有貓又有狗，隻火腿放喺邊度? (貓狗都無養! LOL)
Mr.T 仲話我鬧咗佢成個weekend......就係咁店員即時退錢比佢! XDDDD

退咗果隻...即時買返依隻! ❤

有架有刀有磨刀器......

把火腿刀個樣好pro 啊! XDDDD

仲有埋說明書教埋點切 +保存火腿～

未開封擺住先...等聖誕節先開!

不過擺咗一晚...第二晚已經忍唔住! =P

切切切~~~ 但片得太厚了! 刀工有侍改善啊!! =P


 
切火腿方法可以參考依段片，講解得好詳細~ ^^

除咗全隻西班牙火腿之外，仲買咗黑松露火腿、煙鴨胸 + 煙鹿肉~ ❤

依d就係我地依幾晚既宵夜嘞! ❤
煙鴨胸甘香肉嫩; 煙鹿肉經煙燻後野味味仍然太重，有點失望; 
黑松露火腿食完齒頰留香; 西班牙火腿夠油香又唔太鹹，
啱哂鍾意唔配蜜瓜就咁空口食既我!! ^^

太多肉...轉一轉口味......來點海鮮! ❤

加拿大龍蝦

愛爾蘭麵包蟹

仲有蘇格蘭煙三文魚

煙三文魚除咗清清地配檸檬汁之外，配IKEA 香草醬(右上)都好正! ❤ 
未試過魚春醬又買來試吓(右下);
特登去IKEA買依隻迷你脆皮腸，煎又得淥麵又得打邊爐都得!! ^^


有肉有海鮮...應該來點蔬果啦~~~~~~

又到brussels sprouts (抱子甘藍)當造時間!
雖然好多人討厭佢既味道，但阿V好鍾意~ ❤
不過超市賣新鮮既都好大粒，而阿V喜歡食細細粒...急凍貨比較細粒，啱哂我口味!

之前我講過 - 英國唔係一年四季都有新鮮栗子賣!
往年只係Halloween 前後幾個星期有供應，今年似乎進步咗少少，12月仲見到超市有水尾栗子......不過擺到標哂芽都未賣得出!! @@

老老實實栗子標芽我都係第一次見........

都馬莎d栗子靚仔好多!

貪得意買既皇帝蕉仔 =P

食過自己親手整既豆腐後返唔到轉頭! 由而家開始屋企要長期有黃豆存貨~

上星期Mr.T 感冒傳染咗我喉嚨痛，Mr.T 話棉花糖可以幫喉嚨痛...係真唔係呀?
見網上有好多人話試過真係有效，但我仍半信半疑，不過都一試無妨既~
於是我感冒藥、棉花糖 + 陳年鹹柑桔水3管齊下.......

神奇既事發生咗嘞! 依隻棉花糖好似迷你饅頭咁巨型，我只食咗3粒半，
第二日喉嚨真係唔痛喎! ^^ (P.S. 棉花糖我堅持只食白色!!)
雖然唔知關唔關棉花糖事，不過我未試過喉嚨痛咁快好返......


買完野食...再買d關於食但唔食得落肚既野~~~~~~~

Wilton 花花蛋糕裝飾教學套組...聽聞出去學一堂要幾十英鎊...太貴了!
我相信靠依套野，加埋我既聰明才智...自學應該無問題!! 嘻嘻~~~~

Dr. Oetker 食用色素...比一般超市平一半! ^^


未決定今年聖誕燒火雞 / 燒鵝定燒鴨~ 
但無論燒乜都好，隻火雞 / 鵝 / 鴨圓碌碌放喺平烤架好難放得穩陣.......

所以需要一個V型烤架!

想買V型烤架好耐，但一般V型烤架太疏...依個夠哂密夠紮實，紅色烤盆好靚靚呢~ ❤

原木砧板...當碟用來上冷盆菜或麵包好靚靚~ ❤

Cute cute 零食碟

平面星盆筲簊...用來倒隔夜湯渣好方便!


食物、食具 / 廚具...最後輪到完全唔關"食"事既野.........

Fred and Friends 鴨鴨飲管

鴨鴨earphones

之前都買過但未用既星星神仙棒清潔刷...撞啱減價入多2枝~

蘇格蘭既冬天絕對不宜短髮! 
我d頭髮未長返...個頭又唔可以冚被，瞓覺時成日覺得耳仔好凍~~~~ 
依件長抓毛熊貓睡衣軟綿綿又舒服又暖，仲有頂熊貓帽啱哂我! ^^

手作用心心吊板 (木刻烙畫)...唸吓刻乜野先! ^^