Black Friday Weekend (2014年11月28日)

此"Black Friday" 係指感恩節翌日，一年一度既瘋狂減價購物日......
同彼"Black Friday" 13號星期五係完全兩回事來架!
瘋狂購物Black Friday 源於美國，只限星期五一日，
近年英國都有Black Friday，由只限一日延長至整個weekend!!
我呢從來都無湊過Black Friday 熱鬧! 
佳因年年都有人為咗爭買減價貨品推撞打交...shopping 應該要開心架嘛!

不過我今次都趁住Black Friday weekend 買咗部新既傻瓜機~


我係一個從來唔追新款機既人! 
無論手機、相機、電腦...基本上我都盡量用到用唔到為止先會換新，
因為我習慣用緊果舊野既功能，好怕每次換新機要重新認識 + 適應新機既功能......
7年前一隻Panasonic Lumix TZ3令我做咗TZ系列死硬粉絲!

部TZ3用咗4年後開始有問題，於是upgrade to TZ20，當時已有感質素新不如舊!
不過基本功能同TZ3相若，容易適應，加上傻瓜機有Leica 鏡頭既虛榮情意結下，
仍然覺得"你還是最好的".......

返香港前部TZ20鏡頭入塵，我先發現原來鏡頭入塵係TZ系列常見既毛病!
整返好只幾個月竟然再來個system error focus!!
我地認識一個專門幫人修理相機既人，佢quote 既維修價足夠買一部全新傻瓜機，決定買新相機較化算~
本來打算仍然買返TZ系列，但我發現較新model TZ55竟然無咗個Leica 鏡頭!!!!
有感品質下降...我終於決定同Panasonic 分手，投進Canon 既懷抱~

Canon PowerShot SX700HS...雖然同樣係super zoom 傻瓜機，
但明顯地功能用法較複雜! 要好好努力咪吓本manual 先得嘞~ =P


喺英國買相機，相機套、記憶卡、後備電、screen protector...全部欠奉! 
配套只有叉電器 + 相機繩...係咁多!! 
一個香港買相機會送埋比你既原廠相機套，英國要£30，
說穿了其實即係倒貼幾舊幫品牌賣廣告......

SX700機身唔算大，不過鏡頭位有點厚，一般compact 相機套都放唔入，
放得入既雜嘜相機套又一律好樣衰買唔落手! 而且價錢都唔平.......

依套白色DS Lite 15合1配件，原價£12.99~

15件配件之中，只有3依件我用得著 - 機套、screen protector + 抹塵布~ 

其餘依咋野全部可以入垃圾桶...雖然有點浪費，不過我無DS Lite 啊~

機套 + screen protector 都good fit perfect size! 機套仲好紮實呢~

頭先話過依套配件原價£12.99，其實已經平過原廠相機套好多，
而家套配件減價...只要£1.99! 嘻嘻~~~~ ^^


完全愛上咗隻Thermos Stainless King 燜燒罐! ❤
不過710ml 只夠一人前一餐既份量.......

有時食完晏d想再食...於是買多隻大size!
依個ThermoCafe by Thermos 同樣係膳魔師出品，但價錢比Stainless King 系列平~

1.2L~

外蓋有一個膠碗.......

內蓋分開兩part...窄瓶口~

闊瓶口~

仲有條我唔會用既揹帶......

靚靚Wilton 翻糖矽膠模 x 2

曲奇剷

整咗d醃漬野2015先完成食得，買定個新玻璃樽~

喺£1店見到依隻BB用白色純棉布，質料同我用來搾豆漿既牛油布一樣，連大小都差唔多，但價錢就相差4倍!!!! @@

無論我著純黑或純啡既襪，都會比Mr.T 偷哂一對不留! 所以由今日開始我唯有著依d.......

第一眼見到依塊超可愛既door mat，鍾意到想尖叫!
返到屋企好想第一時間換咗佢，不過Mr.T 話留返新年先喎~

再來一盒Nanoblock! ^^