素家常豆腐

之前喺Cardiff 一間中菜館食過一味家常豆腐，我話過要老翻! (網誌)


中菜館既版本裡面有五花肉~ 但我依個版本係純素，食齋既日子都可以煮! ^^
雖然係純素版，但味道似足9成以上!

中超買到依隻台灣入口既富記辣豆瓣醬~

味道唔錯兼無蔥無蒜!


1. 雲耳浸軟，搾乾水備用。


2. 雜菌(蠔菇、雞肶菇 + 蟹味菇)用濕廚房紙抹乾淨備用。


3. 燒熱油鑊先下炸豆腐炒至金黃。


4. 將炸豆腐撥開一邊騰出空間，下適量辣豆瓣醬炒香。


5. 加入雲耳和雜菌炒勻，下少許素蠔油和糖調味。


6. 加入少許清水兜拌煮滾，上蓋焗1至2分鐘即成。