2015年3月煮食全紀錄 (附食譜)

3月1日: 燜燒罐皮蛋瑤柱陳腎粥; 銀芽豉油皇炒麵

燜燒罐煮粥方法click here~

銀芽豉油皇炒麵食譜click here~

用依隻西班牙黑毛豬油來炒麵真係香聞十里無得彈! 膽固醇都係咁話!! ❤

3月3日: 南乳枝竹炆腩肉; 芹菜雞雜炒砂爆魚肚

南乳枝竹炆腩肉食譜click here~


 
芹菜雞雜炒砂爆魚肚食譜click here~

3月5日: 素餃素香腸湯烏冬; 鹽麴炒Flower Sprouts

是日元宵節農曆十五V食齋~ 有d唔舒服，好在硬櫃裡面常備可以快煮既素食!

鹽麴清炒清甜爽脆既flower sprouts，兩者非常配合! ^^

舊年咁上下時間喺market 買過一次flower sprouts，好鍾意! (網誌)
不過之後就一直無再見過........

直至3月頭喺超市重遇...仲要買二送一! 食返夠本!! ^^

3月6日: 火腿通粉; 火腿煎蛋多士

好掛住香港茶餐廳既早餐ABC..........

3月9日: 烏魚子炒飯 (食譜click here~)

3月10日: 叉燒秋葵蛋炒飯

餐館每星期燒一次叉燒，Mr.T 帶咗一大舊返來~ 午餐先用來炒飯.....

叉燒秋葵蛋炒飯(參考食譜)click here~

晚餐來個茶餐廳常餐........

叉燒湯意粉........加個煎蛋配多士 ^^

3月11日: 老翻元朗B仔雞翼尖

雖然我未食過真正既元朗B仔雞翼尖，不過依個老翻版本味道唔錯!
唯一美中不足係我儲咗半年既雞翼尖太鬼細隻，食得唔夠喉，激死我~~~
下次索性用雞翼算嘞.......

老翻元朗B仔雞翼尖食譜click here~

3月15日: 餐蛋飯

唔知點解最近頻頻想食一d香港街邊或茶餐廳口味既野.......
之前聽聞香港有間酒店用大陸午餐肉 + 大陸蛋整碗餐蛋飯都可以賣$128......
我依碗用咗美國荷美爾Spam 午餐肉(沾蛋煎);
英國Old Cotswold Legbar 粉藍雞蛋; 泰國AAA茉莉香米; 
西班牙橡果黑毛豬油 + 日本萬字溜醬油...咁既陣容應該賣$1280 啦! XDDDD

3月21日: 芹菜炒臘鴨腿


 
用咗之前自家製既臘鴨腿來炒芹菜好好味!
等遲下夏天到咗好太陽，我就用同樣方法來整啖啖肉唔洗累骨既臘鴨胸~ ^^

芹菜炒臘鴨腿食譜click here~

3用27日: 醬油麴豬扒; 車仔咖喱豬皮魚蛋; 清炒春綠

自製既醬油麴......真係好好好好味呢! ^^

自製醬油麴做法click here~

好耐無食過依味! 唸起已流哂口水，即時煮咗一大煲~ ❤

可惜我貪平...買咗急凍炸魚蛋...炸得唔夠唔香口不特止，太爽口似擦紙膠唔好味!
好彩d豬皮 + 個汁好好味補返數~ ^^

車仔咖喱豬皮魚蛋食譜click here~  

3月28日: 車仔咖喱豬皮魚蛋

食剩既咖喱豬皮魚蛋，煮個瀨粉加落去，車仔麵風味十足十!
眯埋對眼來食會以為自己返咗香港!! XDDDD

3月29日: 泰式香辣蕃茄魚煲

泗和行大缸生猛游水福壽魚，肉厚骨少價錢唔貴，啱哂鍾意食魚既我! ^^

最衰是日買唔到芹菜.......

泰式香辣蕃茄魚煲食譜click here~

3月31日: 冰糖炆鹹豬手; 蜆肉煎蛋; 清炒春綠

依個實在太抵食! 因為依度買煙燻過既鹹豬手實在太平!!
依隻咁鬼大隻£3有找~ ^^

冰糖炆鹹豬手食譜click here~

之前魚煲買咗d蜆加落去，食剩既蜆用來煎蛋...依味都係V媽媽拿手菜~

鮮蜆肉煎蛋食譜click here~

中超菜越來越貴又無乜選擇! 反而洋人超市既spring greens 好鬼平，最近食菜都係食佢........