芹菜炒臘鴨腿

臘鴨腿一向唔係蒸就係用來整煲仔飯，今次第一次用來炒，原來好好味啊! ❤

記唔記得阿V自製既臘鴨腿呢? 
(自製臘鴨腿做法click here~)
依個芹菜炒臘鴨腿就係用自家製既臘鴨腿嘞!


1. 臘鴨腿一隻汆水2分鐘，隔水蒸10分鐘後斬件備用。


2. 芹菜適量洗淨瀝乾切段; 預備拍扁蒜頭、薑片、辣椒乾數隻、紅蘿蔔花適量(optional)。


3. 燒熱油鑊先下蒜頭、薑片和辣椒乾爆香，再下臘鴨件炒2至3分鐘後灒酒。


4. 加入芹菜段和紅蘿蔔花，下少許糖和清水兜勻，炒至芹菜和紅蘿蔔熟即成。