潤潤~ (日本上野動物園 x 一心堂特別版面膜 + 英國Waitrose Baby Bottom Butter)

早前林家歐巴桑Gaile 送我一pack 日本上野動物園 x 一心堂合作既特別版面膜，
急不及待要試吓! ^^

一pack 有2個面膜 - 熊貓 + 老虎......

應該係佢地啦! XDDDD

之前網上見過袁詠儀用老虎，覺得好得意! 就用老虎先啦~ ^^

唔識睇日文...不過用法應該大同小異......

最多跟足哂每個步驟啦! XDDDD


阿V一向比較多用台灣 + 韓國既面膜，兩者之中我又比較鍾意台灣既多d~
阿V屬於"小顏"(面細)，韓國好多面膜都太大for 我塊面，而且有點薄好難攤開;
台灣既我多用我的美麗日記+ 廣源良，兩隻都幾都比較適合我面型，
前者仲有塊"珍珠膜"方便攤開面膜!

講返依塊一心堂老虎面膜...一開封第一個感覺係香味好subtle，讚!
面膜要敷15至20分鐘，我好怕太香噴噴要聞咁耐;
雖然無珍珠膜隔住，但因為面膜質地較厚，都好容易攤開;
精華液份量好慷慨，敷完20分鐘面膜仍然好濕潤;
今次第一次試一心堂，發現依隻面膜非常貼服，比台灣牌子更適合我面型~

再來熊貓面膜......同老虎面膜一模一樣，只係造型唔同~

情人節Mr.T 送果札花裡面有碌富貴竹，攞來做道具! XDDDD


咁好唔好用呢? 其實人人皮膚唔一樣! 啱我，未必啱你，versa vice~
我覺得依隻動物面膜係好用既，只係對我來講有點太潤!
看圖敷完面膜後應該唔洗洗面，將精華液輕輕按摩入皮膚......
但我按完後30分鐘塊面仍然有點反光兼黐立立，
用微溫既清水(唔用洗面乳)沖洗一下就啱啱好嘞! (for 我自己!)
天氣特別乾燥時，用依隻面膜唔錯~ ^^

第二件扮靚靚係依盒英國超市Waitrose 出品既Baby Bottom Butter~
看圖 + 認字都知道依盒係一盒嬰兒用品，用來幫BB pat pat 保濕 + 防止濕疹........

幾年前依盒屁屁霜突然大賣，因為有一位媽媽用來搽面後發現保濕效果非常好，
喺親子網站上分享後，一傳十，十傳百...越來越多人追捧......
有人話用咗2星期，皮膚變返少女時代咁水嫩; 有人話皮膚明顯緊緻，尤其係眼部;
有人話比起貴價護膚品名牌La Mer 更好用， 連報章雜誌都有介紹，
當時我已經想買來試吓，不過我屋企附近無Waitrose，
如非咁啱經過順便入去逛逛，我唔會特登去...最後不了了之完全忘記咗依盒屁屁霜! =P

成份天然無添加人造色素、防腐劑、香精或化學合成物.......

顏色微黃似凡士林，但質地啞色，唔會好似凡士林質滑到反哂光.....

一盒125ml 售£3.09~ 雖然唔係好大盒，不過應該好襟用，
每次只需好少份量已經足夠搽匀成塊面!

質地比凡士林輕好多，非常易推! 讚~
有一陣似有還無非常淡 + 討好既雲呢拿香味，
除咗用來搽面之外，用來當潤手霜或搽咀唇都非常適合!

又係果句 - 啱我，未必啱你!
有人話太油...有人話搽完生暗瘡......
我暫時用咗一個星期，無生瘡而且感覺效果不俗~
剛剛搽完果一刻我都覺得有少少油，不過唔會泛油光，
皮膚會慢慢吸收屁屁霜，當完全吸收後皮膚完全唔油，感覺好潤好嫩好舒服，
化妝時用來打底very good!! ❤


英國每日郵報有關報導: http://www.dailymail.co.uk/femail/article-1348125/Baby-Bottom-Butter-creme-la-creme-face-creams.html