2015年3月14日星期六

金田V......謎底終於解開了! (2015年3月14日)

La Cuisine De Veronica Blogger 留言消失

其實依個情況一直間中都有出現,並唔係最近既事!
只係最近短時間內連續發生咗2次,令我的起心肝去搵原因,最終被我發現........


自從由Y!Blog 搬咗過來Blogger,
管理blog 留言通知既email 由Yahoo Mail 轉咗Gmail,
我個Gmail 完全只係for Blogger 用,日常生活其他野一直用返Yahoo Mail,
所以我唔會日日check Gmail,大約一星期只check 一次,
平時只靠睇blog 左邊"Recent Comments"欄,睇吓blog 友有無新留言比我~


好耐之前已發現一個情況 - 當我check Gmail 時,
我收到某篇blog 文有新留言既通知,但去到blog 文時就見唔到個留言! 
依個情況一直間中有出現,而我一直以為係blog 友留言後改變主意,所以將留言刪除,
(我唸留言既人都會以為我唔妥佢地個留言,所以比我刪咗......)
由於留言既人好多都係匿名或空blog,想問都無途徑問~


直至最近我有2位朋友留言後,又發生同樣情況,於是我分別問依2位朋友,
佢地異口同聲話見到自己個留言無咗,不過佢地都無delete 到!
實在太太太太太奇怪嘞!!!!!!!!!!!!!!!!!!!!!!!!!!!!!!!!!!
上網research 咗一輪......終於搵到真正原因......


原來Blogger 有個懶醒既function - 有人留言後,系統會自動分析留言係咪spam! 
若懶醒系統覺得個留言係spam,就會將留言直接入放入"垃圾留言"folder,
唔會出現喺blog 文回應欄!
因此blog 主只收到email 新留言通知,但就睇唔到個留言!!
咁點樣可以搵返消失咗既留言出來呢?

La Cuisine De Veronica Blogger 留言消失
我的網誌 > 留言 > 垃圾留言,剔咗留言旁邊既格仔,再click 上面"非垃圾留言",
就可以光復所有被誤標spam 既留言架嘞~ ^^








6 則留言:

  1. 係呀,唔只Blogger,如果用Wordpress仲多呢類,你唔入去個blog睇根本唔知添,有好有唔好啦,有時真係垃圾留言。

    回覆刪除
    回覆
    1. 我個人唔鍾意囉! 佢係唔係都入落spam, email 通知又無指示話去咗spam,唔清唔楚,我寧願自行手動del 垃圾留言

      刪除
  2. 有次留言被刪除,以為自己手機有問題。現明啦 ;) Thx.

    回覆刪除
    回覆
    1. 我初時都以為可能係手機或Mac 機既問題! 因為以前Yahoo Blog 時試過blog 友用親Apple device 留言就睇唔到,但今次問過朋友係用Windows 機!! 所以一定要搵出真正原因

      刪除
  3. 呢個功能真係超低能...勁白痴仔囉~~~~
    真實我又係同你一樣 gmail剩係for blogger用,平時曰常都係用開 Yahoo mail,費是轉來轉去咁鬼煩

    回覆刪除
    回覆
    1. 直情超級無聊!
      最衰係Blogger 無咩支援,有問題真係要自己上網搵上網查.......

      刪除

Related Posts Plugin for WordPress, Blogger...