香脆氣炸腰果

我 + Mr.T 都好鍾意食超市有售果種甜味腰果! 
腰果本身已比其他堅果如花生、杏仁等...貴，
又唔知點解甜既腰果會貴過鹹既腰果?
所以最後孤寒賢妻多數唔捨得而轉買甜花生...... =P

1. 生腰果先清洗一下。

2. 煮一鍋大滾水，放入生腰果汆水3分鐘，撈起腰果用廚房紙抹乾份， 攤開風乾10至15分鐘。


 
3. 將(2)的腰果放碗中，下少許食油用手抓勻一下。

4. (3)的腰果平均放入氣炸鍋內。


5. 不需預熱以170C 炸12鐘，炸至一半時間拉出炸鍋拋數下再繼續炸。

6. 炸好的腰果灑上幼砂糖，攤開待完全涼透後，放入存氣玻璃樽內保存。


NOTE

生果仁含有較多妨礙消化既酵素抑制物質 + 酸性物質，炸腰果前先將腰果汆水，可以大大減低酵素抑制物質 + 酸性物質，令果仁當中營養素更容易被人體吸收~