2009年3月9日星期一

南乳枝竹炆腩肉




1. 大件腩肉(連皮)汆水10分鐘後,瀝乾切件,用少許胡椒粉、生抽、糖和老抽撈勻醃1小時。

2. 枝竹浸透後,切長條,擠乾水備用。

3. 燒熱油鑊下腩肉爆至金黃盛起。

4. 再燒熱油鑊,下略拍蒜頭和薑片爆香,再磨豉醬和南乳(搗碎)炒出香味。

5. 腩肉回鑊兜勻後灒酒,加水過面煮滾,下片煮溶,蓋上鍋蓋轉小火先炆30分鐘。

6. 加入枝竹兜勻,下適量老抽調色(optional),待汁回滾再炆15分鐘。

7. 熄火後不要開蓋,讓腩肉焗至少1小時,食前再煮滾翻熱即成。



14 則留言:

  1. 好正, 我好鍾意食肥豬肉, 可惜我膽固醇超標, 不能太放肆.
    [版主回覆03/10/2009 07:21:00]間唔中食吓都得啩?
    食少少唔好太多囉~
     
     

    回覆刪除
  2. 你好叻呀~看見你以前金毛啲相..諗.....點解而家可以煮得出咁出色的菜???你是否學過?
    比十個叻你~~~~~~~~
    [版主回覆03/10/2009 17:10:00]多謝讚賞!
    我冇學過煮野架~ 只係過咗來英國讀書自己一個人住,咪睇吓食譜書 + 睇吓電視,做吓實驗囉!
    哈哈~~~~ 乜金毛就唔識煮野?  我金毛時已自己一個住咗一段時間架嘞!
     
     

    回覆刪除
  3. 五花腩 I Like It
    [版主回覆03/11/2009 02:55:00]香港五花腩貴唔貴?
    依度好鬼cheap 架!
     
     

    回覆刪除
  4. 個支竹入哂D汁會好好味架 .
    [版主回覆03/11/2009 16:58:00]係呀~ d汁用來撈飯又好味!
     
     

    回覆刪除
  5. 好好味既客家餸~~
    [版主回覆03/11/2009 18:40:00]原來係客家餸來架?
     
    我自己係客家人都唔知添......
     
     

    回覆刪除
  6. 冇錯係客家菜嚟架,
    仲有個豬肉砵都好正架,
    [版主回覆03/12/2009 02:02:00]豬肉砵我知! 我食唔少啦~
    不過原本唔知南乳炆五花腩都係客家菜啫!
     
     

    回覆刪除
  7. 我好鍾意食炆肥豬肉架!睇到我流口水
    下次你放埋豆腐pop去炆重正!
    [版主回覆04/08/2009 15:44:00]係喎! 等我下次試吓豆腐卜先~
     
     

    回覆刪除
  8. 呢個超正, 我一定會試下整, 我同我老公都好鐘意食五花腩架!
    [版主回覆04/08/2009 15:43:00]整咗未呀?
     

    回覆刪除
  9. 請問雞粉和蠔油大概要幾多吖
    [版主回覆04/09/2009 14:48:00]依個要視乎妳有幾多材料喎! 所以加咗雞粉 + 蠔油拌勻後,可以試吓味先~~~
     
     

    回覆刪除
  10. 整咗喇, 不過無放枝竹, 放咗冬菇, 同埋蚊咗半個鐘咋, 但都好好食, 不過我諗蚊耐啲先夠冧。
    [版主回覆04/09/2009 14:44:00]炆半個鐘點夠腍呀? 五花腩炆耐d除咗酥d,仲會冇咁油膩架!
     

    回覆刪除
  11. Gaileは林家歐巴桑2009年5月7日 下午6:27

    我住台中呀,因為客家人住北部比較多,我依邊有既係台客,所以冇咁容易搵到廣東人要既材料lor,我勁想飲腐竹糖水,又係搵唔到材料!之前o係英國都方便過台灣,想食咩都搵得到!不過台灣我最鐘意食鹽酥雞,你有冇食過呀?因為我好like九層塔既味道
    [版主回覆05/08/2009 16:33:00]哦~ 原來係咁.....咁妳不如叫香港屋企人寄比妳吖? V媽媽間中都會打箱寄d"救援物資"比我架!
     
    鹽酥雞? 請問係咪依d呀?
     

     
    依個我喺台灣反而未食過! 不過愛丁堡有間台式料理好好味! 我間中同老公去食野,去親都係要依個炸雞飯!  
     
    呀~ 仲有最近Glasgow 開咗2間休閒小站呀~~~
     
     
     

    回覆刪除
  12. Gaileは林家歐巴桑2009年5月8日 上午2:54

    hahaha...好詳細喎,有埋圖,我諗應該同你食開依個差唔多,不過台灣係小食,用竹簽"dook dook"我冇試過配飯,你o個邊好似好多正野咁喎,有機會我想想去下
    [版主回覆05/08/2009 18:31:00]依個雞真係好正!  第一次去時,個雞來到見佢好似炸到乾爭爭咁....點知食落口完全兩回事~~~~ 之後就食上癮!
     
    依間店仲有珍珠奶茶賣架~ 我唸佢地好正宗! 老闆係英國男人,不過佢老婆係台灣人~ 佢地有兩個mixed 囡囡!
     
    妳錯嘞~ 其實我依度並唔多正野!!! 食野始終係香港 + 台灣好! 我好想再去台灣~~~~ 不過今次唔再去台北,想去吓其他地區!
     
     

    回覆刪除
  13. Gaileは林家歐巴桑2009年5月8日 下午8:18

    係呀....台北真係冇乜特別,同香港差唔多,我同老公每年夏天必定去台灣既最南部--->墾丁,我地勁鐘意o個邊既陽光與海灘,如果你想去,推薦你入住"凱撒飯店",間hotel個view正到爆(我同老公認為),不過我未住過,因為夏天好難訂位,同埋價錢唔平囉,不過點都要試下既 同埋"夏都"都唔錯,好似有個私人沙灘,玩完墾丁直接北上到高雄,d seafood又平又好食,不過只係最好都係春夏天去,個景先靚,不過就有d熱喇
    [版主回覆05/10/2009 01:38:00]我同老公都仍然好鍾意台北! 只係台灣咁大,我地已去過台北2次,所以想去吓台灣其他部份啫!
     
    陽光與海灘唔啱我 + 老公喎!  我地鍾意靚風景 + 有特別野食既地方~ 我都想去高雄,因為我地去台灣影婚紗相時既攝影師搬咗去高雄,不過我地間中仲有聯絡,有機會想去探吓佢~~~
     
     

    回覆刪除
  14. 我今天會做這個餸,好彩找到你這個食譜,我好耐沒做過,已經忘了^_^。
    [版主回覆09/30/2012 06:35:34]希望妳會鍾意依個食譜啦!

    回覆刪除

Related Posts Plugin for WordPress, Blogger...