不過我既精打細算，並唔係只會買平野咁簡單~ 
因為身處英國，有好多食物既選擇已經好有限......所以就算百物騰貴唔可以太講究，都不能太過委屈自己 + 老公，我會有一定既堅持!牛奶我只會飲全脂奶，個人覺得脫脂 / 半脫脂.....既牛奶都係淡而冇味(咁不如飲水!
) 用來煮食e.g. 煮西湯，我會用普通全脂奶; 不過用來就咁飲，我就會買稍微高級少少既Jersey Milk。顏色微黃既Jersey Milk 口感香濃，仲creamy 到會"掛杯"! 同一般普通全脂奶好大分別~
雖然價錢比一般全脂奶貴，不過飲落口係一種享受~ 所以我覺得物有所值!
我曾經都試過Harvey Nicoles + Tesco 出品既Jersey Milk~ 而Harvey Nicoles 既更貴，不過竟然唔夠Asda 既香，三者以Asda 既最好味! 所以貴野其實未必一定係最好~
曾經睇書記得蔡瀾話過 - 最好既魚露係產自越南! 不過英國可以買到既大部份魚露都係產自泰國既，所以我一直冇機會試吓越南魚露有幾滋味......
英國買泰國魚露好平，由幾十個p至£1.XX不等~ 鎊幾銀已經好鬼大枝!
不過經濟唔好，有某d堅持真係頂唔順要放低......
咁耐以來都係買開£2.XX...其實咁細細枝麻油，£2.XX已經好貴! 不過始終麻油唔需要經常買，所以我一直都照買~
點知最近一次去入貨，竟然起價起到£4.55!!!!
我都知經濟唔好入口貨品來價貴......但真係起價得太離譜嘞~~~~~ 所以我唯有放棄我既堅持......
)
朋友來我屋企，我沖Harvey Nicoles 既茶比佢地飲，佢地話我奢侈.....不過靚茶葉 + 劣質茶葉分別好大! 所以雖然Harvey Nicoles 既茶貴貴地，但茶係我最愛既飲品，貴少少都不為過吖~~~~~
回歸比較基本既煮食堅持......
此外，我係從來唔用味精既，我會用雞粉~ (果日見到原來味精好平果喎!!!!) 簡單來講，就算經濟唔好，我都會盡量選一d質素比較好既食材 - 依個就係我既小小美食主義嘞!
沒有留言:
發佈留言