雖然我鍾意煮野食，不過我好憎煮前洗洗切切既功夫~ 尤其最憎剁蒜蓉!!!! 所以如非必要，好多時我炒菜只係就咁拍兩野粒蒜頭就算......
於是參考咗網友秋風既做法(Thank you 啊~)，剁碎浸喺生油裡面，可以保存一段長時間，煮餸時好似平時咁用就得嘞~ 非常方便慳返唔少時間!
一般超市e.g. Tesco, Asda...佢地既蒜頭多數好鬼細個又多綠芽，所以我多數去屋企附近既新鮮蔬果店買蒜頭。相同價錢 - 蔬果店 + 超市蒜頭都係£0.34一個，不過Tesco, Asda 既只有乒乓波咁上下大; 而蔬果店既就又大又飽滿，個個都幾乎有奶皇包既size~~
1. 蒜頭去皮去綠芽後剁碎;
2. 綠芽一定要去清~如果唔係蒜蓉過一段時間會變成綠色架!!!
3. 將剁好 / 打碎咗既蒜蓉放入乾淨玻璃樽內;
4. 倒入生油至完全蓋過蒜蓉，搞勻即成;
5. 放入雪櫃內保存。
我都係咁架 (當然都係用攪拌機攪啦)，懶呀嘛，一次過整定唔洗煩
回覆刪除[版主回覆03/09/2009 19:08:00]依兩晚炒菜真係好鬼方便!!!!
你e個方法JC都試過... 不過我都係喜歡日日chop新鮮的... 可能上次個傻佬....倒到我成個雪櫃都係油.... 嬲死我=___="
回覆刪除[版主回覆03/10/2009 07:44:00]哈哈~~~~ 男人都係粗手粗腳架嘞!
我都鍾意新鮮剁，
不過每次用少少又要特登剁...好麻煩!
你這個方法好好呀, 我要得閒試下整先!
回覆刪除[版主回覆03/10/2009 07:42:00]真係好方便好好用! 同新鮮既完全冇分別~
我都好耐冇整成樽的蒜茸 ...
回覆刪除[版主回覆03/11/2009 16:57:00]整咗一大樽先發現 - 個樽高得滯，放唔到入雪櫃!!!!!!
好在而家英國天氣仍然凍，要快快食哂先得~~~~
HI V女廚神
回覆刪除想問一下你放個D 油是生油 OR 熟油呢 ?
[版主回覆03/16/2009 15:27:00]生油得架嘞!
熟油放得耐反而會變壞架~
HI V女廚神
回覆刪除想問一下你放個D 油是生油 OR 熟油呢 ?
我咁懶都係買李x記方便呀！
回覆刪除不過自己整一定好d既
[版主回覆03/16/2009 15:26:00]自己整冇防腐劑嘛!
我都係咁整..方便好多...唔洗每次慢慢切.....
回覆刪除[版主回覆03/16/2009 15:25:00]係呀~ 而家唔洗次次剁，好爽!
又幾好喎..點解我無諗過0既呢..
回覆刪除[版主回覆03/16/2009 15:25:00]咁妳都試吓啦!
我雪櫃都有一樽....因為有次係大陸買左好多蒜頭返黎...用唔切...怕佢變壞....所以整咗一大樽放係雪櫃慢慢用....
回覆刪除[版主回覆04/08/2009 04:57:00]用唔哂放得耐一定會變壞~ 所以用依個方法最好!
我雪櫃都有一樽....因為有次係大陸買左好多蒜頭返黎...用唔切...怕佢變壞....所以整咗一大樽放係雪櫃慢慢用....
回覆刪除我之前都有類似嘅做法，不過就冇用油浸，就咁剁碎之後入落密實盒，跟手放入雪櫃，諗住唔使次次剁咁麻煩吖嘛，但唔知點解，個雪櫃就有一大陣味，好耐都唔散 ……..
回覆刪除咁我想問吓，用油浸會唔會都搞郅個雪櫃一陣味架 ??
請賜教 ~~
[版主回覆04/08/2009 04:59:00]用油浸唔會有味架! 一定要用油呀~ 如果唔係除咗雪櫃有蒜茸味之外，蒜茸都都會吸埋雪櫃裡面既雜味架!
噢, 我仲以為一定要熟油tim, 等我拿拿聲走去買個玻璃樽去整先得!
回覆刪除下?!唔知可以用幾耐呢, 半個月?1個月?
[版主回覆04/09/2009 14:12:00]應該唔止一頭半個月~ 我返香港前冇耐整咗一大樽，點知個樽太大放唔到入雪櫃......不過可能英國天氣凍，我就咁放喺廚房都仍然好香! 不過香港就一定要放雪櫃嘞!!!!
唔好意思呀，咁耐先回返 post ，因為呢排忙到暈呀，連 email 都冇乜點 check 呀 ……
回覆刪除真係唔該哂你呀，咁我可以好放心咁去整喇 ~
唔好意思呀，咁耐先回返 post ，因為呢排忙到暈呀，連 email 都冇乜點 check 呀 ……
回覆刪除真係唔該哂你呀，咁我可以好放心咁去整喇 ~
[版主回覆05/11/2009 20:34:00]唔洗唔好意思~ 希望妳整得成功啦!
我尋晚整咗喇，不過我睇漏嘢，就係我冇挑到中間嗰粒綠色芽出嚟呀，咁點算呀，唔通要成樽倒咗佢呀??
回覆刪除[版主回覆07/13/2009 04:36:00]咁又唔洗揼咗佢! 不過妳要有心理準備樽野慢慢會變綠色......一係妳快手煮多d要用好多蒜蓉既野，快d用哂佢囉~~~
咁就慘喇，我勤力極都係一個星期煮一次飯，咁搞法，最快都要幾個月先用得完啦 ……
回覆刪除一日都係自己衰，唔睇清楚就學人走去整 ……..
Anyway ，唔該哂你呀，靚 V 女 ~~~~
[版主回覆07/14/2009 00:54:00]我都係聽人講 話如果唔去綠芽，蒜蓉會慢慢變綠.....我唔知係咪真係會變綠! 妳整咗好大樽咩? 咁唯有妳煮野時重手d啦......
我幫妳問吓人如果綠咗仲要唔要得啦~~~
唔係一大樽，係兩小樽，我用咗兩個 蒜頭，跟住又見有一 pack 辣椒仔，諗住唔好嘥，加埋落去，咁咪變成辣椒蒜蓉囉 ………
回覆刪除不過我今朝 check 過，又好似冇乜異樣喎 ~~~
如果我今晚早返屋企，就映張相俾你睇吖 ~~
好呀，麻煩哂你呀，咁我自己都會周圍問吓人架 ~~~
再一次唔該哂靚女 V~~~
[版主回覆07/14/2009 16:26:00]2個蒜頭應該好快用哂喎! 幾日應該冇咁快變色既~
唔洗客氣~ 幫妳問咗嘞，不過我果位網友間唔中先log in，所以可能要等一陣!
冇問題 and 唔該哂 ~~~
回覆刪除好啦，我要繼續去你度偷你嘢喇 ( 偷師 )~~~ 哈哈哈 ~~
[版主回覆07/14/2009 21:33:00]唔洗客氣~ 偷啦~ 偷啦~ 繼續偷啦!
我網友回咗我嘞~ 佢話冇去綠芽一定會變綠色 + 變咗綠色就唔要得架嘞! 所以妳要快d食哂佢嘞~~~~
咁呀 …… 咁等我要快啲諗多啲嘢嚟煮先得喇 ~~
回覆刪除Thank you so much 啦 ~~
[版主回覆07/15/2009 15:58:00]you're welcome~
其實唔止蒜頭~ 有好多根類既蔬菜放得耐都會發芽，一發咗芽就唔食得架嘞! 因為會有一種毒素叫做"龍葵鹼"~ 妳下次整蒜蓉時，一定要記得去綠芽嘞!!!
係呀係呀 ~~
回覆刪除薯仔我就試得最多，好多時買返嚟，放唔夠兩日，已經標芽喇 ~
其實我已經放係網袋度，等佢通風架喇，但都一樣出事 ……..
所以呢，之後我決定把心一橫，一買返嚟，就放入雪櫃，咁就冇咁快出事囉 ~
知道喇 ~~~~
要改吓啲大頭蝦習慣先得 ~~~
我以前都試過做同樣方法做蒜蓉,但冇耐又變綠色,最後成樽拋棄,原來是因為 綠芽關係, 多謝提点.thx and 你個blog好靚.
回覆刪除[版主回覆12/06/2009 21:56:00]多謝 + 歡迎來訪!
唔洗客氣! 係呀~ 一定要去清綠芽架! 下次再整時記住嘞~~~