"V女廚房"1歲嘞!
話咁快就1年~ 去年既3月11日，開blog 學人寫食譜，當時都冇唸過自己會咁有恒心keep 住寫! 後來越寫越多有聊 + 無聊野 (無聊既居多!)，搞到"V女廚房"越來越"多元化" + 不倫不類......
今日"V女廚房"一週年，心情複雜! (其實依幾日都係...) 近既係V嫲嫲走咗~ 聽日我就一個人返香港2星期，結婚2年幾以來，從未試過同老公分開咁耐! 一向我開心唔開心，老公都緊會喺左近......依幾日心情真係down down 地~~~~~
依一年以來，因為"V女廚房"，令我認識咗一班志同道合既blogmate，除咗喺佢地身上學到好多野，當中有見過面成為咗朋友 + 可以交心; 亦有睇我唔順超 / 唔啱咀形而唔再來往既! 令我深深體會到"一樣米養百樣人"~
多謝新舊支持"V女廚房"既blogmate! 最近多咗友好既CD ROM(一向只read 唔write 既網友)出來"自首"~ 你地既留言通通令我得益不少架! 如果唔係有你地，Yahoo Blog 服務咁廢，我一早摺鬼咗"V女廚房"嘞! Thank you~~~~
至於睇我唔順超果班網友，一係你地唔好再入來; 一係就靜靜地繼續做CD ROM~ 唔好得閒無事開假A/C入來玩野!
回覆刪除[版主回覆03/11/2009 17:00:00]Thanks~
.................. 跟住要慶祝2歲 ..3歲 ...... 10歲呀 ..
回覆刪除[版主回覆03/11/2009 17:03:00]Thank you~
不過過多幾年，都唔好意思繼續叫自己做V女! 或者10週年時要改做"V嬸廚房"......
恭喜恭喜...
回覆刪除[版主回覆03/11/2009 17:03:00]Thanks~
噫噫.......你個blog又真係幾多元化既,尤其是鐘意煮野食個班fans,更加會捧場啦......我對煮野食既興趣麻麻地,所以暫時無向你偷師...不過好想食你煮既野囉...........
回覆刪除你聽日自己返hk呀?一路順風呀!!你同老公分開甘耐,一定好miss大家架喇..話唔埋你老公靜雞雞飛過來搵你呢?!!就算唔會,咪當小別勝新婚囉............
[版主回覆03/11/2009 17:11:00]Yahoo Blog 卧虎藏龍，煮野食大把人叻過我多多聲!
多謝~ 其實以前未結婚時，我會自己一個返香港個幾兩個月既! 不過結婚後就未試過分開咁耐，多數同老公一齊返~ 舊年4月老公自己一個返香港1星期搞丁屋，已經係最耐! 今次破咗紀錄呢~~~
老公唔會返嘞! 佢一個人管3間分行，請親假都要預好早~ 我知如果佢可以既話，一定會陪我返去既!
回覆刪除順風呀, 返到來香港就順便食多啲及買多啲啦, 這个weekend會凍呀, 帶多小小衫返黎啦.
[版主回覆03/11/2009 17:13:00]多謝提醒~
我已打定張list 要買乜買物嘞!
食酸辣粉記得打比我唷^^"
回覆刪除[版主回覆03/11/2009 17:38:00]好呀!
V 女廚房呢個blog 我每日都要看一次(甚至幾次)架! 好多元化, 食譜又正, 絕對唔係無聊、亦都唔係不倫不類!!!
回覆刪除亦都鐘意你呢d敢言既真性情(雖然有時又會覺得有少少串)....
繼續支持幸福滿瀉既 Mrs T!!!
[版主回覆03/11/2009 17:44:00]真係咁捧場? 多謝哂喎!
亦多謝大家咁包涵口衰既我! 由細到大V媽媽都話我係"鐵咀雞"來! 我都幾十歲咯，改唔到架嘞~ 而且應該會越來越口衰......希望大家繼續包涵!
btw 我去過blog 搵妳個土匪雞翼，搵唔到啊! 咁點交流呀???
我最初係睇你寫買廚具而入來既. 我自己都係勁鍾意買廚具.
回覆刪除[版主回覆03/11/2009 18:28:00]工欲善其事，必先利其器嘛!
鍾意煮野食既，多數都鍾意買廚具~~~ 嘻嘻!
WOW.... YEAH.... let's celebrate it!!
回覆刪除I really like your blog because there isn't only delicious recipes, but it has lots of funny, exciting and educational (like that pigglet squid ) articles. I'd like to thank you for your generosity of sharing your everyday life with me and now, I feel not so 'lonely' here in France anymore.
Guess what? Everyday when I'm back to my office, I get into your blog before checking the messages from my boss... hahahaha You can see how important your blog is to me!
Trust me, after your 'little departure' from Mr. T, you'll again re-fall in love with him ever more when you'll be back...... Just enjoy your time with your family and love ones in HK in these 2 weeks! I'll wait paticiently for your return like all the blog-mates here! Take care!
[版主回覆03/11/2009 18:25:00]ss...ooo...ooo touching~~~ i also want to thank you for your support! (but dont let your boss find out you check my blog 1st! )
yes i know what you mean about when i return to UK, but im already missing him so much!!!!!
hey guess what? Mr.T just called and said he wanted to buy me a net book, cos there is no internet connection at my own home! im still thinking about it......will wait for Mr.T to come home, then go out to have a look! i may able to keep updating my blog in HK~
至於睇我唔順超果班網友，一係你地唔好再入來; 一係就 靜靜地繼續做CD ROM~ 唔好得閒無事開假A/C入來玩野!
回覆刪除咁無聊都有??
果d人食飽左飯,冇野痾呀??
叫佢地去 啦,
祝廚房生日快樂呀~~~
我之前都話怕左佢地 d server,所以唔會寫blog,
但最終都屈服左,
[版主回覆03/11/2009 18:33:00]我相信佢地係便秘囉! 但唔知點解次次都係講手袋果d blog 囉~~~~~ 唯有祝佢地路路暢通無阻!
咦....妳終於都屈服Yahoo Blog 既淫威之下嘞! 等我轉頭過去放低2兩先~~~~
Well done! Keep writing. I enjoy reading your blog. Thanks.
回覆刪除[版主回覆03/11/2009 21:10:00]actually i should thank you guys for supporting my blog! im glad that you like my blog~ Thank you very much!
I'm enjoy to visit your blog all the time. You seem like a real and happy person. Don't care to share your life, family with us. Feel like I know you so much.
回覆刪除Congratulations
[版主回覆03/11/2009 21:09:00]Thanks for your support and im glad that you like my blog! all the comments that blogmates leave here mean a lot to me~
恭喜哂, 開blog已經一年了。雖然真的不知如何安慰你好, 但精神上支持你, 你祖母會知道你的孝心的。
回覆刪除[版主回覆03/12/2009 01:54:00]有心嘞! 多謝哂妳~
支持妳, 支持妳, 要繼續"開伙串", 祝V女廚房業務精精日上 !!
回覆刪除不過, 妳回港那兩星期, Mr. T 便無啖好食了 !!
[版主回覆03/12/2009 01:53:00]多謝~ 多謝~~~ 咁大家要繼續捧場喎!
我都好鍾意睇你個blog,超多嘢睇,有溫馨,有食譜,有靚景睇,好正呀,你一定要keep住寫呀.
回覆刪除[版主回覆03/12/2009 01:52:00]妳係咪講漏咗仲有靚仔靚女睇呀? (即係我 + 我老公!)
多謝支持~ 我會繼續努力!
咁快一周年啦，恭喜晒
回覆刪除[版主回覆03/12/2009 01:50:00]Thank you~
Well said Mrs T, keep it up! Have a good trip to HK and look after yourself.
回覆刪除[版主回覆03/12/2009 06:57:00]Thanks very much! will see you guys again when i come back~
我就係鍾意你個Blog包羅萬有, 唔會齋煮送, 還會講下其他嘢, 我不是太多時間日日睇Blog, 不過你這兒我是睇得最多的.
回覆刪除[版主回覆03/16/2009 15:52:00]多謝捧場! 真係好鬼感動ing 啊~~~~~
靜靜話你知,係我keep咗係"我的最愛"咁多Blog裡面,每一日你個Blog係排第一個我要睇嘅Blog,無論係你每日食咩餸,買咗咩調味料,定買咗新嘅LV, 我都會睇得津津有味架, 繼續呀!!
回覆刪除[版主回覆03/16/2009 15:51:00]多謝~ 多謝! 我信妳真係鍾意睇我個blog - 因為妳記得哂我blog 寫乜野~~~
Hi 恭喜哂
回覆刪除我睇你個blog都有成年,唔係無聊呀!幾有趣呀!
絕對唔係無聊 我好喜歡。
今次返來順便陪多啲V爸爸V媽媽,買多啲好嘢,返去煮多啲好送比你老公食。HK今個星期好朝濕,又好凍,小心身體呀
[版主回覆03/16/2009 15:50:00]多謝支持啊~~~~ im glad you like my blog!
返到香港覺得好舒服，涼涼地唔凍唔熱啱啱好~ 我會小心身體架嘞! 多謝關心~
我覺得好似開咗好耐咁嘅?時間過得真係快,祝妳V女廚房長做長有
回覆刪除[版主回覆03/12/2009 16:28:00]妳覺得唔好睇，咪覺得好似開咗好耐咁囉!
恭喜你個Blog 開張1週年 D 粉絲1 族越來越多,多到你要應接不暇 , 成為你粉絲之一只有短短1個多月 資歷係最淺1位 (因為自己都係2月初先學人玩Blog 咋) 見到你個Blog 就諗起香港 3色台現在晚上做緊個套學警裡面個悠悠 , 又係超多人睇自己個blog 架, 最後出埋書tim 5 知度日後你會5會呢 ? 係bor 知你今日會番黎香港 有時間既話記住睇啦 ,
回覆刪除現在做到第15集啦 (不過我都5知全部有幾多集)
辦完C 事, 就記得食多D 香港地度美食啦
[版主回覆03/16/2009 15:48:00]咦~ 原來妳只睇咗我blog 個多月咋! 希望妳enjoy 啦~
講多人睇既blog 仲未輪到我~ 講出書我就更加未有資格!
原來你返來香港呀~一路順風呀~香港最近天氣好差你都要帶啲褸.
回覆刪除我老公成日都話要買LV比我,我LIKE白色嗰隻,但我又唔捨得買,雖然佢比錢但見佢又冇多餘錢,咪唔捨得LAW,女人真係矛盾.....我話有錢你不如比的仔女學野仲好啦~點知轉頭佢自己買左隻撈
早知就買個LV啦~
[版主回覆03/16/2009 15:45:00]妳老公都好識計數喎!
Rolex + LV價錢好有距離喎~~~~
Woo一年了!繼續努力呀!坐隱機啦take care!
回覆刪除[版主回覆03/16/2009 15:44:00]Thank you~
無聊既人 不理啦~ 寫blog都係想分享自己開心同唔開心既事jar~ 狗唔搭下八既人 由佢囉haha~ 至緊要係自己開心 又識到朋友呢~
回覆刪除[版主回覆03/16/2009 15:44:00]有聊既我偏唔會對無聊人視而不見，所以我唯有得閒打篇野來插吓佢地!
遲來的恭喜,祝堅持下去兩年，三年，十年，二十年......
回覆刪除[版主回覆03/16/2009 15:40:00]有心唔怕遲~ 多謝妳!
公喜公喜....希望能陪你渡過未來的五年十年.
回覆刪除p.s.
我想 bbq 羊 , 應用邊個部位 & 點醃呀 ?
白白豬
[版主回覆03/16/2009 15:18:00]多謝~
妳既問題 - 其實羊係好適合燒烤架! 羊扒、羊腿、羊肩都適合!
繼續加油,咁我地又多d口福!~~
回覆刪除[版主回覆03/16/2009 15:40:00]多謝支持~ 我會加油架嘞!
恭喜哂～～我會一直支持你
回覆刪除[版主回覆03/16/2009 15:39:00]多謝妳!
正呀，得閒要交流一下！
回覆刪除[版主回覆03/16/2009 15:39:00]多謝~ 好呀，得閒多d入來留言吖!
呢個禮拜都唔得閒, 無睇你幾日原來寫多咗咁多野, 你整啲餸我學都學唔切呀, 我開頭仲以為你已經出發咗去hk, 原來你過多兩日先出發, 祝一路順風, 番嚟再寫個好blog, 我會繼續睇架!
回覆刪除[版主回覆03/16/2009 15:38:00]Thank you~
我13號已返到香港嘞!
我算係新支持"V女廚房"既blogmate呀~
回覆刪除我會繼續捧場, 你要繼續努力呀.....
[版主回覆03/16/2009 15:37:00]多謝~ 多謝!
咦...妳都係"V女"來喎!
第一次入黎, 打個招呼先
回覆刪除[版主回覆03/16/2009 15:17:00]妳好~ 歡迎妳!
不過我現時返咗香港，要返到英國先有時間同大家交流~
3年前我同你一樣一個人回港送婆婆最後一程, 第一次同老公小別, 日日通電話, 好鬼掛住, 勁過拍拖果時!
回覆刪除[版主回覆03/16/2009 15:36:00]其實舊年老公都試過一個人返香港搞佢間丁屋d野，係婚後第一次小別! (唔計老公出trip~) 不過上次佢返去1星期啫~ 今次我返來最少3星期......
你寫BLOG好有心機呀! 寸寸哋, 真性情, 港女本色! KEEP GOING!
回覆刪除[版主回覆03/16/2009 15:33:00]Thank you~
不過我覺得港女多數扮豬食老虎果喎.....
靚太~妳何以見得我字裏行間透露丁點兒妳個blog唔好睇呢 ,妳都真係無解嘅
回覆刪除[版主回覆03/16/2009 15:16:00]咁妳都冇話好睇.........
Mrs.T : 其實不用理會其他人批評, 這個都係blog 來的, 是屬於你的, 你繼續寫啦! d 無喂人唔好理會佢, 正如我剛做了媽媽的我, 以前時常把別人的批評擺在心裡, 攪得自己好唔開心, 我有時帶埋我bb落街, 個d 呀婆(唔認識的) , 係度話鬼我幫阿b著得敢少衫, 我話今日都廿幾度, 好熱, 我同佢講要睇天氣來著衫, 跟著佢重怒啤我, 我而家可以唔會同佢地反駁, 因為反駁係無用, 而且把口生在人地度, 我聽到佢地同我說話, 我隻耳會關閉起來, 就算佢地話同我講野, 我無反應都係敢. 你繼續煮多d 美味的送菜出來, 我那麼大個人都三張有一, 才開始學煮飯, 我e家成日去人地教整野食的blog 來學, 我無意走到你個blog, 我剛剛才開始睇你blog 的內容, 我會把你blog 加到我blog 內的【好睇blog 推介】~ 加油呀!
回覆刪除[版主回覆03/16/2009 15:15:00]多謝支持!
其實我都係係唔理人地批評架! 如果有人眼紅唔抵得咪話我吹水囉~~~ 我唔介意，因為我相信真金不怕紅爐火! 我係咪吹水作大，大家心裡有數啦! 呵呵~~~~
不過眼紅既人多數好自大! 佢地會認為 - 我唔出聲的話，我係"瀉"佢地囉! 所以我得閒時喺blog 打篇野串吓班眼紅怪，我係完全唔火滾架，我笑佢地咋!
吓...要同你老公分開咁耐....實掛'屎'..佢啦...
回覆刪除[版主回覆03/16/2009 15:31:00]係呀......而家要4月頭先返到英國! 之前既回程機票改唔到日期要作廢 +另book 機票返來! 不過仲未決定幾時返! 依幾日日日同老公傾2次長途電話......好掛住老公呀!!!!!!!!!!!!!!!!!!!!!!!
乜一年咋咩? 我以為睇左好耐添..哈哈~~ 祝你越寫越多~~越煮越好味!
回覆刪除[版主回覆03/16/2009 15:28:00]係呀! 啱啱1年架咋~~~
恭喜晒喎...你要繼續加油為我哋尼班fans寫BLOG呀...吾好好似我咁懶呀....HAHA...
回覆刪除[版主回覆04/08/2009 05:07:00]妳真係懶到出汁! 越來越懶~~~~
哦~原來我唔記得讚妳個blog好睇呀,咁妳早講嘛,又唔知我蠢到死~
回覆刪除咳咳咳.....祝妳個blog長做長有,因為真係好好睇,好睇嘅原因係唔單只煮好野食比我哋一眾blog友睇,仲要周不時講啲好笑野比我知,等我哋係單調嘅生活入面,都可以係唔同地方一齊笑(心底話嚟架,唔好話我行呀)
[版主回覆03/25/2009 15:03:00]咁又唔洗咁刷鞋!
哈哈~~~~ anyway 多謝~ 多謝~