2009年3月27日星期五

一條冷返香港2009: 買咗嘞~ 買咗嘞!!! (2009年3月25日)


終於買咗部net book 嘞!

經過我一輪逐間大型電器舖問長問短 + 周圍格價後,終於買咗依位輕巧實用 + 符合哂我所有要求既靚女 - Acer Aspire One ZG5~


 依位白雪雪既靚女只有8.9",放入手袋一d都唔阻訂! 1GB RAM + 120GB HD,夠哂我用~~

年尾時部desk top 壞鬼咗,之後一路用老公部lap top 頂住檔,本來打算遲吓買返部新desk top,不過用用吓lap top 已經習慣咗~ 與其買個新desk top,不過買部net book! 去旅行 + 老公出trip 都方便好多!

 哈哈~ 喺香港買咩電器都特別抵~ 無論買電腦or 相機,都有好多野送! 喺英國買既話,連相機套、電腦套都要另外買!!! (英國人好小氣啊~~~)

我依部net book 原本只送1枝4GB 手指~ 我買機時先落訂,留低部機比佢幫我裝Windows,之後我再返去攞機 + 比尾數。

不過我返去攞機時,原本serve 我果位哥哥仔行開咗......我見袋裡面冇手指,就同新果位哥仔講: 之前位哥哥應承送枝4GB手指過我喎! 於是新果位哥仔就即刻比咗隻我,點知......

 返到屋企我打開電腦盒,見到裡面已經有1枝4GB手指! 所以而家我有2枝!!!! (唔係有心呃人架~ 真係唔知架!!!)

 順手加咗$60換購咗個電鬚刨比老公~ 因為佢成日攞我個電剃腳毛器來剃鬚!!!!!!


雖然我買咗net book,不過V家並冇wireless network!  所以我要去麥當當 + 用V姨丈既A/C來上網......不過始終好過去Pacific Coffee 霸住人地個電腦既~ Pacific Coffee d 野飲又貴,麥當當平好多!

P.S. 我已訂咗回英既機票嘞! 我將會喺4月5日晚飛,4月6日英國時間早上到英國~ 4月3日既機位已fully booked,所以唯有推到4月5日~~~~~




22 則留言:

  1. 哈哈...有你著數la 冇lala有8gb手指.
    照你咁講係香港買電器真係抵好多woo送咁多野.
    佢幫你裝咩windows呀?
    [版主回覆03/28/2009 14:11:00]英國買相機又冇套送又冇記憶卡送......香港買咩電器都可以又平又新款,又多野送! 所以我幾時都話住喺香港最幸福!!!
     
    net book 一係用linux,一係用Windows 嘛! 仲有我要用英文版~~~
     

    回覆刪除
  2. hi~hi~我都返左嚟呀!(回歸電腦桌上,好掛住你同部腦呀......)我會慢慢睇返你個blog呀~!
    [版主回覆03/28/2009 14:20:00]妳去咗邊鬼度呀????? 擔心死人嘞~~~~~ 喺妳果邊留過幾次言都冇回音........
     
     

    回覆刪除
  3. 恭喜你終於買左部心頭好,我鬼掛住你個BOLG呀~
    [版主回覆03/28/2009 14:18:00]我都好掛住自己個blog 呀!  不過部野未裝photoshop,所以冇得執相既光暗.......d相冇咁靚~~~
     
     

    回覆刪除
  4. Mrs Williams 威廉C太太2009年3月27日 上午7:07

    電剃腳毛器用來剃鬚!!  笑死
    [版主回覆03/28/2009 14:07:00]佢好鬼乞人憎就真!

    回覆刪除
  5. 吓,電剃腳毛器用來剃鬚!!咁攪笑!

    [版主回覆03/28/2009 14:05:00]老公其實有個唔用電既靚鬚刨架! 不過佢成日遲起身,趕時間就用我個野頂住檔囉~~~

    回覆刪除
  6. 呵呵...恭喜唷...有電腦用啦^^" BTW...我30號去台灣唷, 有冇野要買唷^^" 電剃腳毛器來剃鬚=__=" 好嘔心~"~ 點解可以咁GA...
    [版主回覆03/28/2009 14:02:00]係呀~ 麥當當又得,starbucks又得......不過最衰屋企唔用得啦!!!
     
    妳去台灣幾日呀? 幾時返香港呀? 睇吓我安唔安排到去食酸辣粉?
     
    老公個死人頭成日遲起身,佢一趕時間就用我個剃腳毛野來剃鬚!!!! 其實佢自己有個唔用電既靚鬚刨架~~~
     
    去台灣玩得開心d + 影多d靚相返來喎!
     

    回覆刪除
  7. 咁部機買左幾多錢呀? 細細部 真係唔錯啵
    [版主回覆03/28/2009 13:58:00]$2800之嘛~ 抵到爛!  其實我同老公都已經各有一部laptop,不過實在太死重! 去旅行太唔方便~~~~~
     
     

    回覆刪除
  8. 部 net book 好靚 wor,我都like白色
    仲有3個鐘我就去機塲喇,而家先pack緊行李.
    仲要帶埋部大牛龜lab top to ar.
    [版主回覆03/28/2009 13:55:00]多謝~ 我都覺得佢好靚女呀!!! 而且好輕,帶出街好方便!
     
    遲咗少少~~ 不過都祝妳一路順風 + 同男友有個愉快既假期!
     
     

    回覆刪除
  9. 白色好靚啱你
    [版主回覆03/29/2009 14:27:00]我想要黑色架~ 不過佢依個model 冇黑色咋! 依個model 仲有粉紅色架,不過部野我 + 老公兩份用!
     
     

    回覆刪除
  10. 唔係呀MA~$2800係邊度買呀?咁正
    [版主回覆03/29/2009 14:22:00]點唔係啫? net book 一向都係好平架啦,周街都係~ 再平d都仲有呀! 妳住香港都唔知既咩?
     

    回覆刪除
  11. 我部電腦壞左ma....又唔想去人地屋企借電腦~所以咪無回應你囉~等我兩隻豬下星期exam完,我會勤力啲啦~
    [版主回覆03/29/2009 14:25:00]哦~ 原來係咁! 電腦整返嘞?
     
     

    回覆刪除
  12. 部Net Book又真係幾靚女喎
    [版主回覆03/29/2009 18:40:00]其實有好多net book 都好靚女~ 不過有好多牌子未用過/未聽過,我唔敢買!
     

    回覆刪除
  13. 不過麥當當超多人喎!
    [版主回覆03/29/2009 18:38:00]香港度度都多人架啦! 我尋日喺尖沙咀Starbucks 一樣人山人海~~~~~
     

    回覆刪除
  14. 是否買正版windows, 矩幫你裝 ?
    [版主回覆03/29/2009 18:36:00]Windows 唔洗買架,跟機包埋架嘛! 我要英文版佢咪幫我裝英文版囉~~~~
     
     
     

    回覆刪除
  15. 我部電腦整返好啦~最衰佢地exam,唔係真係想約你聚一聚呀!
    [版主回覆03/29/2009 18:57:00]緊係佢地考試緊要啦! 今次約唔到咪下次先約囉,暫時我地喺網上談情都一樣啫~~~
     
    叫晴晴 + 肥仔加油呀!!!
     

    回覆刪除
  16. 部機2800咋咩?甘平?幾好喎.........仲借d意拎左兩隻手指tim...抵啦.......
    [版主回覆04/08/2009 03:28:00]net book 價錢係咁上下啦~ 再平d都仲有呀!
     
     

    回覆刪除
  17. 仲有1星期,加油買多D,速進香港経済麻
    [版主回覆04/08/2009 03:29:00]今次返香港冇乜點行街,不過收穫都算唔錯~
     
     

    回覆刪除
  18. 係邊度都有收獲, 介紹邊度有好野食, 得唔得 ?
    [版主回覆04/08/2009 03:30:00]當然得啦~ 不過啱啱返到來...等我抖順條氣先啦!
     

    回覆刪除
  19. 8.9"咁真係唔係好大部喎,要攞埋去旅行都唔會太阻掟~
    妳就好啦,無啦啦多隻手拍用
    [版主回覆04/08/2009 03:31:00]好多net book 最少都成10吋~ 依部得8.9,真係好鬼方便!!!
     
     

    回覆刪除
  20. 8GB 先夠用架
    [版主回覆04/08/2009 03:33:00]8GB 先夠用? 妳指RAM 定Hard Disk 呀?
     
     

    回覆刪除
  21. 8GB 手指law, 所以你有2支就very good啦
    [版主回覆04/08/2009 13:35:00]OIC~ 不過我而家多數用SD card 架嘞!
     
     

    回覆刪除
  22. 放入手袋一d都唔阻訂﹐緊係啦﹐你的手袋好大呀﹌ 我次次見你帶住個袋就覺得好重﹌
    [版主回覆05/28/2010 20:20:00]係架~ 妳咪睇我細細粒,我d手袋幾乎全部都係大袋來! 我貪方便乜都揼哂落去唔洗慢慢執位嘛! 我出街帶好多野架~
     
     

    回覆刪除

Related Posts Plugin for WordPress, Blogger...