日本 - 日式蕃茄醬炆牛展

 1. 我用既係依種日式懶人方便蕃茄汁磚~

2. 牛展切成大丁; 蕃茄4個切角; 細洋蔥1個切塊; 大蘑菇4粒切片備用。

3. 燒熱油鑊，下牛展丁爆炒，用磨碎黑胡椒和海鹽調味，炒至牛展轉色盛起。

4. 再燒熱油鑊，下洋蔥炒香，再下蘑菇片和蕃茄角。

5. 炒至蕃茄開始腍，牛展丁回鑊兜勻後，加水900毫升拌勻煮滾。

6. 轉小火煮20分鐘。

7. 轉回大火加入蕃茄汁磚塊拌至全溶煮滾，上蓋轉小火炆至牛展腍熟即成。

P.S. 炆燉既時間同包裝盒上有所不同! 因為根據盒上有限既漢字，指示上係用牛肉片; 我用咗牛展，所以炆既時間上相對長咗!

 配白飯或意大利粉均可~