1. 雞翼抹乾水份，用胡椒粉、磨碎葛縷子(Caraway)、花椒粉、磨碎黑胡椒、生抽、糖、雞粉、少許味椒鹽和老抽拌勻醃好。
2. 白鑊炒香黑芝麻適量; 預熱焗爐240C。
3. 將雞翼排好並灑上炒過的黑芝麻，放入焗爐8至10分鐘。
4. 將雞翼反轉並再灑上黑芝麻，再焗8至10分鐘至雞皮金黃 + 雞翼全熟即成。
"土匪雞翼"據聞係香港譚仔雲南米線名菜~ 不過我自己冇食過......所以此食譜係綜合各個網上食譜 + 我自己靠估得出來既結果 - 所以係V女版!
(好好味喎! 好味就得啦~~) 食譜參考自主恩滿溢的Wendy & 秋風~ Thank you!
土匪雞翼名稱由來
根據網上資料...話說從前既土匪打家劫舍，連每戶既香料香草都唔放過，佢地將打劫得返來既香料用來燒雞翼，香氣撲鼻傳千里，當人聞依種雞翼既香味，就會知道附近一帶有土匪出沒......
孜然與小茴香 + 葛縷子
Forum 好多網友討論 - 孜然粉好難買!!
有網友話孜然粉即等如小茴香粉; 不過後來又有網友話唔係，眾說紛紜~ 於是好奇既我又做吓research.........
我網上搵到既資料，有人話孜然係Cumin (小茴香)，但亦有人話係Caraway (葛縷子)~ 不過其實兩樣野係兩回事來......
未經研磨既小茴香 + 葛縷子均為種子，兩者外形非常相似，所以經常被人混淆; 但兩者氣味完全唔同~ 市面買到既孜然粉大部份係小茴香粉，亦有人買既係小茴香粉 + 葛縷子粉兩溝......真係令我好迷惑!
我個人唔鍾意小茴香既氣味，太中東feel 嘞~ 但就好鍾意葛縷子既氣味，其所以依個食譜我都係用葛縷子!
英國一般超市葛縷子 + 小茴香都好容易搵得到! 不過小茴香就分別可以買到未磨既小茴香籽 + 已磨既小茴香粉; 至於葛縷子，我暫時只搵到未磨~ 所以用時要先自行磨碎，香味先可以發揮出來!
2010年6月10日更新
某人偷睇我blog 後有唔同意既地方，喺某個討論區度發表意見話我講既資料有錯，誤導咗好多網民 + 我應該要delete 依篇食譜紜紜.......
依位仁兄實在太睇得起我嘞~ 我之前果咋有關孜然既資料根本唔係我"作"出來，而係網上綜合資料!
e.g. "拼布‧貓‧下午茶Blog" 依篇網誌 (http://www.wretch.cc/blog/easterday/7302491)，佢就認為孜然係caraway!
所以孜然 = caraway - 依個並唔係我"作"出來既!
我寫依篇食譜既時候，仲未試過譚仔既土匪雞翼; 不過舊年我返香港時終於有機會一嚐依味譚仔名菜~
試完後我都覺得孜然唔係caraway，但我同時都唔敢肯定係咪cumin?
因為我果幾隻譚仔土匪雞翼，除咗得個鹹字之外，完全無香味 + 咩味都無.......
不過既然依位仁兄入得來偷睇，偷睇完後又覺得我資料有錯，何不大大方方入來指教紏正小妹? 又或者入來光明正大直接叫我delete 依篇食譜??
(就算資料真係有錯都唔洗成篇野delete 咁惡吓哇!?!?
改返得唔得呀?)為免再有人認為我故意誤導網民，我已經將內容更改咗!
若大家已試過用孜然粉整土匪雞翼既話，不妨試埋用caraway 依個版本比較吓吖! 真係香聞十里架~~~~
沒有留言:
發佈留言